Паян тата ыран тӗттӗм пулмасть

Июнӗн 21-22-мӗшӗсем - кун таврăнăшӗ, урăхла каласан çулталăкри чи вăрăм кунсемпе кӗске каçсем.

Паян кинологсене тата скейтбордпа ярăнма юратакансене саламлатпăр!

Тутарстан гидрометцентрӗ пӗлтернӗ тăрăх, паян пӗлӗтлӗ çанталăк пулать, вырăн-вырăнпа çумăр çăвать, аслати авăтать, пăр çăвать. Çил çурçӗр-хӗвеланăçӗнчен (аслати вăхăтӗнче çеккунтра 15-20 метр хăвăртлăхпа) вӗрет. Çӗрле +8..+13, кăнтăрла +20..+25 градус.

Çанталăк календарӗ:

Çак кун чи шăрăх çанталăк 1923 çулта пулнă, ун чух сывлăш температури +35 градуса çитнӗ, 1962 çулта вара термометр +6 градусран ытла хăпарман.

Халăх календарӗпе - Федор. Çак кун аслати авăтса çиçӗм çиçет пулсан, утăçи çумăрлă пулать.

Астрологи прогнозӗ: Ӗçтешсен пулăшăвӗ кирлӗ пулать. Çак вăхăтра шанчăклă çынсем юнашар пулни питӗ кирлӗ.