Сувар

Пирӗн Оля «Мини-мисра»!

Майăн 16-мӗшӗнче Хусанти филармонире иртнӗ XVII «Мини-мисс Татарстан – 2018» республика конкурсне пуçласа чăваш хӗрачи те хутшăнса «Туслăх» номинацин çӗнтерӳçи пулчӗ.

( Ирина Трифонова). Майăн 16-мӗшӗнче Хусанти филармонире XVII «Мини-мисс Татарстан – 2018» республика конкурсӗ чаплăн иртсе кайрӗ. Кăçал унта Ешӗлвар, Анат Кама, Лайăш, Пăлхар, Елабуга хулисенчен пӗчӗк хӗрсем хутшăнчӗç, пуринчен ытларах, паллах, Хусантан.

Конкурс çак çулсем хушшинче туссемпе аванах пуянланнă, партнерсемпе спонсорсем хушшинче паллă çынсемпе компанисем нумайччӗ. Жюри йышӗ те сумлă – унта культурăпа искусство çыннисем, бизнесменсем, обществăлла ӗçченсем пулчӗç. Çавсен хушшинче ТР Юрăпа ташă патшалăх ансамблӗн тӗп балетмейстерне Раиля Гариповăна, паллă дизайнера Султан Сулейманова палăртса хăвармалла, жюри председателӗ яланхи пекех «Мисс Татарстан» организацин президенчӗ Изольда Сахарова пулчӗ.

Жюрие ку хутӗнче тата та йывăра килчӗ пулмалла. Сцена çине пӗринчен тепри пултаруллăрах та маттуртарах, хитререх шӗмпӗлккесем тухрӗç. Конкурс йӗркипе пӗрремӗш дефилепе тухнă хыççăн пӗчӗкскерсем хăйсемпе паллаштарчӗç. Мӗнле кăна интереслӗ май шыраса тупман-ши? Раççей кăçал футболпа тӗнче чемпионатне йышăннипе те усă куракансем пулчӗç. Ытларах визиткăсем ачан пултарулăхӗпе çыхăнчӗç, тӳрех палăрать кам ташăпа, кам спортпа, кам искусствăпа е тата мӗн-тӗр урăххипе интересленни. Кунта ӗнтӗ амăшӗсем тăрăшни палăрать.

Творчествăлла номерсем тата та интереслӗрех пулчӗç. Юрларӗç те, ташларӗç те, сценкăсем те кăтартрӗç. Тӗлӗнмелле те, нумай хӗрпӗрчи Инди ташшине ташларӗ. Тутар, вырăс, казах культурипе паллаштаракансем те пулчӗç. Мӗнлерех талантлă ачасем çитӗнеççӗ пирӗн республикăра тесе савăнса пăхса лартăмăр.

Кăçал çак конкурса пуçласа чăваш хӗрачи те хутшăнчӗ – Оля Якличева. Вăл Спас районӗнчи Пăлхар хулинчен килнӗ. Зона тапхăрӗнче вăл çӗнтернине хаçатра эпир çырнăччӗ. Оля хăйне питӗ те маттур кăтартрӗ, творчествăлла номер валли вăл чăваш юррине суйласа илнӗ, тумтирӗ те чăвашлахчӗ. Тивӗçлӗ курăнчӗ вăл сцена çинчен. Çакна жюри те палăртмасăр хăвармарӗ. Оля «Туслăх» номинацин çӗнтерӳçи пулчӗ.

« Ачасене аталантармаллах. Пире, ял çыннисене, йывăртарах пулин те пурпӗрех çакăн йышши мероприятисене хутшăнма тăрăшмалла. Хула ачисенчен ялтисем самай уйрăлса тăраççӗ, пирӗн хамăра шанни çук. Унсăрăн вара пурнăçра йывăра килет. Çавăнпа хӗре хутшăнтарас терӗм те. Конкурс хыççăн кун пирки Изольда Сахаровăпа та калаçса илтӗмӗр. «Чăваш культури пуян, сире хăвăра кăтартма, хаклама пӗлменни чăрмантарать. Вăтанмалла мар. Хăвăра ыттисенчен аяла та хумалла мар. Мӗнрен кая эсир ыттисенчен? Пурте пур сирӗн. Пуçа çӗклемелле те – малалла», – терӗ вăл. Хӗрӗмшӗн ку питӗ пысăк опыт пулчӗ. Вăтанни вăйлă курăнатчӗ маларах. Кайран пăхатăп та – репетицисенче хăюлланма пуçларӗ. Номинаци çӗнтерӳçи пулнипе эпир питӗ савăнтăмăр. Ольăна малашне çак çитӗнӳ вăй парса пулăшса пырӗ тетӗп», – савăннине пытармасăр уççăн калаçрӗ Валентина Михайловна конкурс хыççăн тӗл пулсан. Вăл кăна мар, пӗтӗм Тутарстан чăвашӗ савăнать вӗсемпе пӗрле!

«Мини-мисс Татарстана – 2018» конкурса кăçал 31 хӗрпӗрчи хутшăнчӗ. Залра ларакан ашшӗ-амăшӗсенчен кашни, паллах, хăй тӗпренчӗкӗ çӗнтерессе кӗтрӗ, шанчӗ. Анчах конкурс конкурсах, чи пултарулли те илемли пӗчӗк мисс коронине тивӗçет. Вăлах республика ятне каярахпа Раççей, унтан тӗнче шайӗнчи конкурссене хутшăнса хӳтӗлӗ. Жюри çӗнтерӳçӗсене палăртнă хушăра эпир иртнӗ çулсенчи конкурссен çӗнтерӳçисен тата «Дорога из города» ташă ушкăнӗн концерт номерӗсене курса савăнтăмăр.

«Мини-мисс Татарстана – 2018» ята Анат Кама хӗрачи Олеся Фардиева (10 çулта) çӗнсе илчӗ. «Мини-мисс Казань – 2018» ята Марьям Сабирова (Хусан, 8 çулта) тивӗçрӗ. I, II принцессăсем вара Милана Илюхинăпа (9 çулта, Хусан), Азалия Шигапова (11 çулта, Хусан) пулчӗç.

Нравится
Поделиться:
Реклама
Комментарии (0)
  • 24 мая 2018 - 15:39
    Айтăр Сиктӗрмене Акатуя! Программăра: ӗçре мала тухнисене чысласси, концерт, вăйăсем, лашасен ăмăртăвӗ.
    9
    0
    0
  • 24 мая 2018 - 15:28
    Шкулсенче юлашки шăнкăрав Майăн 24-мӗшӗнче çӗршыври вун пӗрмӗш классемшӗн юлашки шăнкăрав янăрарӗ, пӗр вăхăтрах савăнăçлă та тунсăхлă уяв.
    13
    0
    0
  • 24 мая 2018 - 14:19
    «Ылтăн пиçиххи» кăçал камăн? Хӗвел тухăç кӗрешӗвӗнче çитӗнӳ туса республика имиджне çӗклекенсене майăн 26-мӗшӗнче «Ылтăн пиçиххи» наци премийӗпе чыслаççӗ.
    14
    0
    0
  • 24 мая 2018 - 12:08
    «Сувар» кубокӗшӗн турнир! Чи пултаруллă та правур команда «Сувар» хаçат кубокне тивӗçет. Турнир кăçал июнӗн 1-мӗшӗнче Пăвара пулать. Кӳршӗллӗ район командисем, ан юлăр!
    17
    0
    0
  • 24 мая 2018 - 10:27
    Урăлăх çулӗ вăл – пурнăç çулӗ Йăла тăрăх, православи чиркӗвӗсенче сентябрӗн 11-мӗшӗнче урăх эрех ӗçместӗп тесе тупа тăваççӗ. Православире урăлăх пирки тупа тумалли кун тата та пур – майăн 18-мӗшӗ. Çак кун «Турă Амăшӗн Хусан турăшӗн «Неупиваемая Чаша» турăшне асăнаççӗ.
    20
    0
    0
  • 24 мая 2018 - 09:56
    Путин пособине республикăра пинмӗш çемье илнӗ Çулталăк пуçланнăранпа Тутарстанра пӗрремӗш ачашăн парăнакан 8,5 пин тенкӗ пособие илмешкӗн 1000 çемье заявлени панă. Юбилейлă çемьене ӗнер хаваслă лару-тăрура чысларӗç.
    24
    0
    0
  • 23 мая 2018 - 16:25
    Альших, Тинкеш, Кипекасси – Рункăра хăнара Пăва чăвашӗсем те çуллахи Микуларан вăййа пуçлаççӗ. Кăçал йăлана районта чи малтан рункăсемпе кипеккассисем пуçларӗç
    44
    0
    0
  • 23 мая 2018 - 15:30
    Тимӗрçӗ пулса курас килет-и? Çитес канмалли кунсенче Хусанта пӗрремӗш хут тимӗрçӗ фестивалӗ иртет. Кăмăл пуррисем унта тимӗрçӗ пулса пăхма пултараççӗ.
    26
    0
    0
  • 23 мая 2018 - 14:06
    Çапăçать-тӗк, çулталăка поезд çинчен манать Поездра çапăçакансене «хура» списока кӗртесшӗн. Енчен те транспорт çинче хăйсене тивӗçлӗ тыма пӗлмеççӗ-тӗк, çулталăка поезд çинчен манма тивӗ.
    19
    0
    0
  • 23 мая 2018 - 13:17
    Ял масарӗ пысăк ресторана çаврăнать Масар çинчи хĕрессем хушшинче туса лартнă вăрăм сĕтелсем хушшинче: «Ĕç-ха, ма ĕçместĕн?» – тесе хистенине илтни те, тепрер çын ỹсĕрĕлсех кайнă пулин те ăна татах черкке тултарса пани лайăх япала мар.
    530
    0
    2
  • 18 мая 2018 - 13:03
    «Мунча шăрши»
  • 26 марта 2018 - 14:12
    Пирӗннисем «Кӗмӗл сасăра»
  • «Аталан» форум – 2018
  • 26 февраля 2018 - 08:41
    Салам хакӗ 600-1000 тенкӗ Мартăн 1-мӗшӗнчен саламлассинче кăшт улшăнусем пур: халӗ 600 тенкӗлӗх салама 600 паллă таранах (пробелсемпе) çырма юрать. 600-тен 1000 паллă таран салам унчченхи пекех 1000 тенкӗ. Редакци.
Ночной режим