Сувар

Путин: «Тутарстана юрататăп, унта манăн юлташсем нумай»

- Раççейре наци ыйтăвӗн сферинче нимӗнле çивӗчлӗх те çук, - терӗ Владимир Путин ӗнер Мускавра иртнӗ черетлӗ пысăк пресс-конференцире. «Чӗлхепе çыхăннă ыйту пӗтӗм ачана, вӗсем Раççейӗн хуть хăш территорийӗнче пурăнсан та, пурнăç пуçламалли пӗр пек условисем тăвассипе кăна çыхăннă»,- терӗ вăл чӗлхе ыйтăвӗ пирки. Унтан Тутарстана юратнине, ку регионта унăн...

- Раççейре наци ыйтăвӗн сферинче нимӗнле çивӗчлӗх те çук, - терӗ Владимир Путин ӗнер Мускавра иртнӗ черетлӗ пысăк пресс-конференцире.

«Чӗлхепе çыхăннă ыйту пӗтӗм ачана, вӗсем Раççейӗн хуть хăш территорийӗнче пурăнсан та, пурнăç пуçламалли пӗр пек условисем тăвассипе кăна çыхăннă»,- терӗ вăл чӗлхе ыйтăвӗ пирки. Унтан Тутарстана юратнине, ку регионта унăн юлташӗсем нумаййине каларӗ. Анчах та тутарсем Тутарстанра кăна пурăнманнине, вӗсенчен çуррине яхăнӗ ытти регионсенче тӗпленнине палăртрӗ.

«Пурин те пурнăç пуçламалли условийӗсем пӗр пек пулмалла, енчен те хăйсен наци чӗлхине пӗлекен çынсем (çакна эпӗ питӗ пӗлтерӗшлӗ тесе шутлатăп) нацисем хушшинче хутшăнмалли чӗлхере (вырăс чӗлхинче) юлса пыни Тутарстанра пурăнакан ачасем енӗпе тӗрӗс мар пулнă пулӗччӗ, мӗншӗн тесен çӗршывăн тӗп аслă шкулӗсенче вӗрентӳ вырăсла.

Çынсене тăван чӗлхене, тутарла кăна мар, çӗршыври ытти халăхсенне те, вӗренме майсем туса памалла.

«Пирӗн çав тери нумай кун пек чӗлхесем. Ку вăл пирӗн мăнаçлăхпа пуянлăх - тӗрлӗрен культурăпа чӗлхе. Сăмах та çук, çакна тӗрев памалла»,- терӗ РФ Президенчӗ. (И.Тухбатов сăнӳкерчӗкӗ).

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: