Роналду каллех Хусанта

Хуть мӗн калăр та, эпир хусансем телейлӗ. Миллион çыннăн кумирӗ, спорт çăлтăрӗ Криштиану Роналду мӗнле вылянине иккӗмӗш хут хамăр куçпа курма пултаратпăр. Паян Хусанта «Казань-Арена» стадионра Конфедерацисен Кубокӗн çурма финалӗ! Финала тухма Португалипе Чили сборнăйӗсем выляççӗ.

Аса илтеретпӗр, матча хуть кам та кӗме пултарать. Кун валли билет туянмалла тата хăвăрпа Болельщиксен паспортне кăна илмелле.

Болельщиксене стадиона вăхăтра çитмеллине аса илтеретпӗр. Çак кун вӗсем валли TS-1 хушма автобуссем йӗркелеççӗ. TS-1 матч пуçланиччен 4 сехет маларах «Спорт керменӗ» - « Козья слобода» метро станцийӗ маршрутпа кашни 5 минутран çӳрет.

Ун çине «Спорт керменӗ», «Козья слобода» чарăнусенче кăна ларма пулать. Матча кӗмелли билета тата Болельщиксен паспортне кăтартсан тӳлевсӗр лартаççӗ. Обществăлла тата харпăр транспортсем мӗнле çӳренипе sntat.ru.сайтра паллашма пулать.