Рустам Минниханов суйлав умӗн калани

Хисеплӗ тутарстансем!

Раççей Федерацийӗн Патшалăх Думине депутатсене суйлаc кампани вӗçленсе пырать. Çак тапхăрта çынсенчен питӗ нумай сӗнӳсем килчӗç. Шантарса калатăп, вӗсене татса парас ӗçе патшалăхпа муниципаллă влаçăн мӗнпур оргнӗсем хутшăнӗç. Хальхи суйлавшăн республикăри экономика аталанăвӗн ырă пӗтӗмлетӗвӗсем те майлă пулчӗç. Пирӗн çӗнӗ шкулсем, ача сачӗсем, парксемпе скверсем, социаллă культура сферин объекчӗсем тăтăшах уçăлаççӗ.

Хисеплӗ суйлавçăсем, ку чухнехи суйлавăн хăйне евӗр формат. Эпир Раççей парламенчӗн кӗçӗн палатине кăна суйламастпăр, эпир çитес пилӗк çуллăха тăван çӗршывăн аталану юхăмне палăртатпăр. Тутарстанра ăслă-тăнлă, хăй вăйне шанакан халăх пурăнать. Пӗр командăра ӗçлесе темле кăткăс, амбицилле задачăсене те татса пама пултаратпăр. Сентябрӗн 18-мӗшӗнче эсир сасăлава хутшăнса Раççей парламенчӗн йышӗнче хамăр республикăна тивӗçлӗ кăтартма пултаракансене тӗрев парасса шанатăп. Раççей вăйлă регионсемпе - пирӗн Тутарстан пеккисемпе хăватлă!

Хисеплӗ юлташсем! Чун-чӗререн сире, çемйӗре телей, ырлăх-сывлăх, тăнăçлăх сунатăп!

Тутарстан Республикин Президенчӗ Рустам Минниханов