Сувар

Следовательсем кам укçа вăрланине тӗпчеççӗ

Енчен те çак кунччен «Татфондбанк» офисӗсем хăть кредит тӳлевӗсене йышăнса справкăсем паратчӗç пулсан, паянхи кунран мӗн пур алăкӗсене шарт! питӗрсе илнӗ. Центробанк унăн тата «Интехбанкăн» лицензийӗсене каялла илсе банксене ӗçлеме чарнă. Çавна май паян Рустам Минниханов Президент васкавлă майпа правона сыхлакан тата надзор органӗсен ертӳçисемпе канашлу ирттернӗ. Унта вăл банксен...

Енчен те çак кунччен «Татфондбанк» офисӗсем хăть кредит тӳлевӗсене йышăнса справкăсем паратчӗç пулсан, паянхи кунран мӗн пур алăкӗсене шарт! питӗрсе илнӗ. Центробанк унăн тата «Интехбанкăн» лицензийӗсене каялла илсе банксене ӗçлеме чарнă. Çавна май паян Рустам Минниханов Президент васкавлă майпа правона сыхлакан тата надзор органӗсен ертӳçисемпе канашлу ирттернӗ. Унта вăл банксен активӗсене илсе тухма памалла марри çинчен каланă. Çакна банксенчен хур тӳснӗ клиентсен тăкакӗсене саплаштарма май пултăр тесе тумалла. Çавăн пекех Тутарстан Президенчӗ банк сферинчи кризис килсе тухнăшăн айăплă çынсене явап тыттарасси çинче те чарăнса тăнă.

Çак кунах, каç-кӳлӗм хыпар хатӗрӗсем «Татфондбанк» правленийӗн экс-председательне Роберт Мусина арестлесе ун тӗлӗшӗпе «Мошенничество» статьяпа пуçиле (уголовнăй) ӗç пуçарни çинчен пӗлтерчӗç.

Малтанласа палăртнă верси тăрăх, 2016 çулхи август уйăхӗнче «Татфондбанк» ертӳçисем кредит илме, унтан çав укçасене вăрлама май пултăр тесе Раççей Тӗп Банкне пысăк ликвидлă актив пур тесе суя документсем панă. Каярах кредит тесе илнӗ 3 миллиард тенкӗлăх укçана «Татфондбанкпа» çыхăннă «хăйсен» организацийӗсен расчет шучӗсем çине куçарса пынă.

Хальхи вăхăтра Патшалăх Канашӗн депутатне Роберт Мусина следоватльсем ыйтусем параççӗ.

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: