ТАИФ санатор пулма хатӗр

Тутарстан Президенчӗн Рустам Нургалиевич Миннихановăн хушăвӗпе операци ӗçӗсене чарнă банк клиенчӗсене - уйрăм çынсене тата предприятисемпе организацисене право енӗпе пулăшу парассипе Консультаци ушкăнӗ Тутарстан Республикин Прокуратурипе пӗрле «ТФБ-Финанс» клиенчӗсене Татфондбанкран шар курнă вкладчиксен реестрне малашне те «Вкладсене страхлассипе агентствăран» тӳлевсем илсе тăма кӗртесси пирки суд органӗсене обращени хатӗрлеме пуçланă. Ку «ТФБ-Финанс» клиенчӗсен прависене вклачӗсене патшалăх страхланă (1,4 миллион тенкӗрен ытла мар), тӳлевсене «Вкладсене страхлассипе агентство» патшалăх корпорацийӗнчен илсе тăракансен прависемпе танлаштарассине пӗлтерет.

Тутарстан Республикин Президенчӗ «ТФБ-Финанс» инвестици компанийӗн клиенчӗсен интересӗсене хӳтӗлеме юридиципе право майӗсене тупма хушнă.

Унсăр пуçне, республика ертӳçи ыйтнипе, «ТАИФ» компанисен ушкăнӗ тата унăн партнерӗсем стратегилле инвесторсен шутӗнче Татфондбанкăн санацине хутшăнма хатӗррине пӗлтернӗ. Кун пирки санатор пулма хатӗр ушкăн Раççейӗн Тӗп Банкне обращени те янă ӗнтӗ. Тӗп банкăн условийӗсем тăрăх, банк учрежденийӗнче санаци процедурине пуçламашкăн чи малтан стратегилле инвестор пурри кирлӗ.