Ҫуралнӑ кун тӗлне кӗнеке

Пирӗн штатра тăман авторăн, Лайăш районӗнче пурăнакан Альберт Кольцовăн июнӗн 23-мӗшӗнче Шупашкарти «Новое время» типографирен «Пирӗн шкул çемйи» кӗнеки пичетленсе тухрӗ. Тăван шкула тата çуралнă кун тӗлне хăйне çакăн пек пысăк парне турӗ вӑл.

Кӗнеке Чăваш Енри Сӗнтӗрвăрри районӗнчи Октябрьски шкулӗн историйӗ, вӗренекенӗсем çинчен. Чăн та, ентешӗсем унпа паллашма ӗлкӗреймен-ха. Автор кӗнеке презентацине çитес вăхăтра тăван ялӗнче ирттерме хатӗрленет. Çапах та пӗрремӗш экземплярсене шкулти юлташӗпе, Чăваш Республикин тава тивӗçлӗ агрономӗпе С.В. Малининпа «Сувар» хаçат ӗçченӗсем эпир тытса куртăмăр ӗнтӗ. Сăмах май, Альберт Мироновичăн пултарулăхӗ нумай енлӗ. Литературăра та тӗрлӗ жанрпа çырать. Маларах «Пӗрремӗш учителе савса» сăвă тата сарăмсăр вилнӗ пӗрремӗш мăшăрӗ Валентина Васильевна Кольцова çинчен «Эхо первой любви» кӗнекисем тухнăччӗ.

«Манăн шкул çемйи» кӗнекине вăл виçӗ çул çырнă. Кӗнекене калăплама вара «Сувар» хаçат ӗçченӗ Светлана Колесникова та пулăшрӗ.

Альберт Мироновичӑн паян ҫуралнӑ кунӗ. Ӑна менельникпе тата кӗнеке тухнă ятпа хӗрӳллӗн саламлатпăр. Ума лартнă тӗллеве пурнăçлама вăй-хал, çирӗп сывлăх сунатпăр!