Ушу Олимп вăййисен шутне кӗрӗ

Февралӗн 21-мӗшӗнче Мускавра «Ушун Мускав çăлтăрӗсем - 2017» III Халăхсен хушшинчи турнирӗ вӗçленнӗ. Ăмăртусем 6 тӗспе иртнӗ: ушу-таолу, йăлари ушу тата Юнчуньцюань (винчун), Тайцзицюань. Унсăр пуçне ушу-саньдапа ушу-туйшоу енӗпе те вăйлисене палăртнă. каласа хăварас пулать, ушун кашни тӗсӗнче тӗрлӗ программăсем пур.

Ăмăртусене уçнă çӗре Халăхсен хушшинчи ушу федерацийӗн техника комитечӗн председателӗн çумӗ, Раççейӗн тава тивӗçлӗ тренерӗ, Раççейӗн ушупа федерацийӗн президенчӗ Глеб Музруков, РСБИ пысăк канашӗн президиумӗн пайташӗ Алексей Штурмин, Европăри ушу федерацийӗн вице-президенчӗ Петру Гриндяну хутшăннă.

Ăмăрту пӗтӗмлетӗвӗсене пăхас пулсан, тутарстансем лайăх кăтартусемпе таврăннă. Ксения Терехина Цайлифоцюань тата Наньцюань программăсенче 2-мӗш, Байцзицюанпе 3-мӗш, Наньдаопа каллех 2-мӗш,Наньгунпа вара хӗрачасем хушшинче 3-мӗш вырăнсене йышăннă.Идалия Гафарова Наньгунь программăпа 1-мӗш, Наньцюанпа 2-мӗшь, Наньдаопа хӗрачасем хушшинче 3-мӗш вырăнсене тивӗçнӗ. Камила Имангулова йăлари кӗске хӗç-пăшалпа (цзянь) 1-мӗш, Багуацюань программăпа 2-мӗш, Чацюанпе тата Тайцзицюанпе 3-мӗш, Тайцзицзянпе юниорсем хушшинче 3-мӗш вырăнсене илме пултарнă. НикитаТитов Синъицюань, Наньцюань, Наньгунь прогаммăсенче чи вăйли пулса 1-мӗш, Наньдаопа юниорсен хушшинче 2-мӗш вырăна тухнă.Игорь Мороз Наньдао программăпа 2-мӗш,Наньгунпа арçынсен хушшинче 3-мӗш вырăна тивӗçнӗ. Ильяс Хуснутдинов Гуньшу программăпа 1-мӗш, Чаньцюанпа 3-мӗш, Даошупа арçынсем хушшинче 3-мӗш вырăнсене тухнă. Çапла вара тутарстансем тăван республикăна 22 медаль илсе таврăннă.

Сăмах май, Халăхсен хушшинчи олимп комитечӗ ушуна йышăнса малашне ăна çуллахи Олимпиада вăййисене кӗртме шутлать.