Виçӗ медальпе таврăннă
Иртнӗ вырсарникун, декабрӗн 4-мӗшӗнче, Шупашкарта каратэ-сетокан хӗвелтухăç кӗрешӗвӗпе Раççей регионӗсен хушшинчи Чăваш Республикин уçă чемпионачӗ иртнӗ. Тутарстанран 3 команда таранах хутшăннă, Хусан сборнăйӗн шутӗнче чăваш ачи Егор Елисеев та пулнă. Амăшӗ Елена Николаевна пӗлтернӗ тăрăх, Егор ăмăртуран 3 медальпе таврăннă. Кумитэпе пӗччен тата команда шутӗнче I вырăн йышăннă, катапа II...
Иртнӗ вырсарникун, декабрӗн 4-мӗшӗнче, Шупашкарта каратэ-сетокан хӗвелтухăç кӗрешӗвӗпе Раççей регионӗсен хушшинчи Чăваш Республикин уçă чемпионачӗ иртнӗ. Тутарстанран 3 команда таранах хутшăннă, Хусан сборнăйӗн шутӗнче чăваш ачи Егор Елисеев та пулнă. Амăшӗ Елена Николаевна пӗлтернӗ тăрăх, Егор ăмăртуран 3 медальпе таврăннă. Кумитэпе пӗччен тата команда шутӗнче I вырăн йышăннă, катапа II вырăна тухнă.
- Ывăлăмăршăн ашшӗпе савăнатпăр, паллах. Тӳррӗн каласан, эпир унăн çӗнтерӗвӗсене хăнăхса çитрӗмӗр ӗнтӗ. Пӗр ăмăртуран та медальсӗр таврăнни пулман. Хальхинче те акă виçӗ медаль таранах илчӗ. Тӗрӗссипе, катара та вăл пӗрремӗш пулатчӗ, енчен те хирӗç ăмăртаканӗ çулӗсемпе унпа тан пулнă пулсан. Пӗрремӗш вырăна илекенӗ Егортан самай аслăрахчӗ, данӗпе те çӳллӗрех - хăмăр пиçиххи хуçи. Ывăлăмăр тренировкăсене çӳрени ахаль мар, кăтартусем пур. Кунта хамăрăн сенсея - Марат Шарафеева тав тăвас килет. Пултаруллăскер, атьсене те лайăх вӗрентет, - терӗ Елена Николаевна пире.
Маттур Егор, вăл спортра çеç мар, вӗренӳре те ӗлкӗрсе пырать. Çулӗсемпе пӗчӗк пулин те Хусанта иртекен чăваш мероприятийӗсенчен те юлмасть, Туслăх Çуртӗнчи вырсарни шкулӗн чăваш уйрăмне çӳрет. Тӗрӗсех калаççӗ, çын пуласси ачаранах паллă тесе.
Следите за самым важным и интересным в Telegram-канале Татмедиа
