Ыркăмăллăх акцийӗ

Нурлатра, Аксура, Çарăмсан районӗнче концерт­сем йӗркелесе «Хусан чă­вашӗсем» ушкăн кура­кан­­сене хăйӗн юбилейлă альбомӗнчи çӗнӗ юрăсемпе паллаштарчӗ. Районсенче пурăнакан йăхташсене пысăк профессионалсен шайӗнче хатӗрленӗ программăна кăтартнисӗр пуçне Алексей Наумов ертсе пыракан ушкăнăн проекчӗн социаллă пӗлтерӗшне те палăртмалла. Тӗслӗхрен, Нур­латри концертран пу­хăн­нă укçине ушкăн Якуркел ялӗнчи чиркӗве тунă çӗре пачӗ. Çак ыркăмăллăх акцине Хусанти «Ак Барс» çамрăксен центрӗнче тӗпленекен «Мгновение» ташă теат­рӗ те хутшăнчӗ. Чăваш композиторӗн юррисене тутар, вырăс тата ытти халăхсен ташшисем илемлетрӗç. Тӗлпулусен сăнӳкерчӗкӗсем 12-мӗш страницăра. Черетлӗ концерт Хусанта ноябрӗн 29-мӗшӗнче пулӗ.