Автобуссене çӳреме чараççӗ

Тутарстанри Çул-йӗр хăрушсăрлăхӗн патшалăх инспекцийӗ çак кунсенче çанталăк лару-тăрăвӗ шанчăклах марри пирки асăрхаттарать. Пăрлă çумăра, вăйлă çиле пула автотрассăсем пăрпа витӗнеççӗ. Çавăнпа та хуласен хушшинчи автобуссен рейсӗсене чакарма йышăннă. Çак йышăну çанталăк лайăхланичченех вăйра пулӗ. Паллах, Çӗнӗ çул кунӗсенче çынсен урăх хулапа ялсенче пурăнакан тăванӗсемпе юлташӗсем патне те кайса килес килет. Çавăнпа та Çул-йӗр хăрушсăрлăх инспекцийӗ харпăр автотранспортпа çула тухакансене çав тери асăрхануллă пулма тата çула кун вăхăтӗнче, çӗрлене юлмасăр тухма ыйтать.