Пăр çине ан тухăр!

Мартăн 13-мӗшӗнче ТР Пушара хирӗç службин Апасри отрячӗн (Пăва районӗнчи) Хирти Кушкăри уйрăм посчӗн йӗртӳçи Олег Карамзин вырăнти шкулта кӗçӗн класри ачасемпе уçă урок ирттерчӗ. Çанталăка кура «Асăрханăр, çӳхе пăр» ыйтупа тухса калаçрӗ. Çынсене пăр çинче мӗнле харушлăхсем кӗтме пултарни пирки каласа кăтартрӗ. Унсăрăн пуçне О.Карамзин инкеке лекнӗ çынсене мӗнле мелсемпе пулăшма май пуррине тата та пăр айне анса кайсан мӗнле çăлăнмаллине видео-роликсемпе тӗплӗн ăнлантарчӗ.

Пурӗ уçă урокра 25 вӗренекен тата 3 вӗрентекен хутшăнчӗ.