Пăва районӗнче шывра ача виллине тупнă

Пăва районӗнче Сĕве юханшывӗнче çамрăкăн кӗлеткине тупнă тесе пӗлтерет «Татар-информ» информаци агенстви. Ӗнер кăнтăр кунӗнче васкавлă службăн 112 номерне Черки-Кильдураз ял çумӗнче Сӗве юханшывӗнче юхăм тăрăх пыракан çамрăкăн кӗлеткине курнă пирки хыпар çитнӗ. Вырăна Пăва районӗн ПСГ хăтараканӗсем, полици ӗçченӗсем тата 1-мӗш номерлӗ ПСО хăтараканӗсем пынă. Хальлӗхе çамрăкăн вилли судебно-медицина экспертизинче.

Ача мартăн 13-мӗшӗнче çухалнă Ильназ Шибаев пулма пулатарать. Аса илтеретпӗр, унчен «Татар-информ» информаци агенстви март уйăхӗн 15-мӗшӗнче 13-ри çамрăк килӗнчен (Пăва хулинчен) Черки-Кощяково ялне çул тытнă, анчах та çухалнă тесе пӗлтернӗччӗ. Хальччен ăна тупайманчӗ.