News by category - Тӗп хыпар
-
«Игры Будущего» уçăлнине Пӗрремӗш телеканал паян тӳрӗ эфирпа 18:45 сехетре кăтартать
Тӗнчери пӗрремӗш «Игры Будущего» мультиспорт турнирӗ февралӗн 21-мӗшӗнче Хусанта «Казань –Экспо» халăхсен хушшинчи курав центрӗнче уçăлать. Церемоние Пӗрремӗш телеканал паян 18:45 сехетре тӳрӗ эфирта кăтартать.
-
Февралӗн 21-мӗшӗнчен пуçласа мартăн 3-мӗшӗччен Хусанта «Игры Будущего» Пӗтӗм тӗнчери турнир
Кун пек ăмăртусем хальччен тӗнчере пулман-ха, ăна Раççей пуçласа йӗркелет. Киберспортпа вăй-хал спортне пӗрлештерекен çӗнӗ спорт тӗсӗ пӗтӗм тӗнчешӗн интереслине 107 çӗршывран 277 команда, пӗтӗмпе 2000 ытла спортсмен, килме кăмăл туни, турнира кашни континентра (пурӗ 200 площадкăра) кăтартасси те çирӗплетет. Тӗнче шайӗнчи мероприяти кураканшăн та кăсăклă пуласса шантарать, кашни площадкăрах ятарласа вӗсем валли тӗрлӗ интерактивсем хатӗрленӗ. Хальлӗхе билетсем пур-ха, анчах туянма васкамалла, мӗншӗн тесен юнкун тӗлне 80 пин билетран 73 процентне сутса пӗтерни паллă пулчӗ.
-
ТР Çамрăксен ӗçӗсен министерствин коллегийӗнче çамрăксене лайăх пурнăç туса памалли пирки калаçрӗç
«Çамрăксен энергине кирлӗ çӗре ямалла, каникул вăхăтне ӗçе вырнаçтармалла», – терӗ ТР çамрăксен ӗçӗсен министрӗ Ринат Садыков. Кун пирки вăл ведомствăн коллегийӗнче каларӗ.
-
Мӗн çинчен калаçнă Америка журналисчӗ Раççей Президенчӗпе?
Ку эрнери Раççее кăна мар, тӗнчене те хумхантаракан чи паллă пулăм шутӗнче Америкăри паллă журналист Такер Карлсон РФ Президентӗнчен Владимир Путинран интервью илни пулчӗ.
-
Петр Мускатинова черетлӗ çӗнтерӳпе!
Раççей армрестлинг спорчӗн федерацийӗ январӗн 31-мӗшӗнче Санкт-Петербургра ирттернӗ «Вершина#19» профессиллӗ турнирта пирӗн ентеш, армрестлингпа спорт мастерӗ, Çӗпрел районӗнчи Аслă Аксу ялӗн чăвашӗ Петр Мускатинов çӗнтерчӗ. Саламлатпăр!
-
Çемье вучахӗн хӗлхемне кăçал кашни çӗнӗ çемьене параççӗ
Çемье вучахӗн вучӗ çунакан лампадăна Мускавран Хусана «Раççей» курав-форумра пӗрлешнӗ Зиятдиновсен çемйи илсе килнӗ. Хӗлхемне Хусан Федерацин Атăлçи тăрăхӗнчи 13 регионпа пайлӗ.
-
Петр Мускатинов Санкт-Петербургри турнирта алă вăйӗ виçнине тӳрӗ эфирта кăтартаççӗ
Ентеше, Çӗпрел районӗнчи Аслă Аксу чăвашне, армрестлингпа спорт мастерне Петр Мускатинова çитес турнирта ăнăçу сунатпăр! Юлташсем, тӳрӗ эфир пăхма ан манăр!
-
Çанталăк каллех пăсăлать, аякри çула ан тух!
ТР Гидрометцентрӗ ырантан (эрнекунран) пуçласа шăматкунпа вырсарникун (январӗн 19-21-мӗшӗсенче) Тутарстан территорийӗнче каллех вăйлă юр çăвасса, çил кăнтăртан çеккунтра 15-20 километр хăвăртлăхпа вӗрсе 500 метртан нимӗн те курăнми пуласса, çулсем пăрлакланасса пӗлтерет. Çавăнпа çулсем çинче машинăсен юхмне вăхăтлăха чакараççӗ.
-
ТР Раисӗ Рустам Минниханов тутарстансене патшалăх наградисемпе чысларӗ
Патшалăх наградисене тивӗçнисен хушшинче чăвашсем те пулни уйрăмах савăнтарать. Кăçал республика ертӳçин аллинчен чи пысăк наградăсене илме ӗç ветеранӗ Анатолий Самаренкин тата «Татавтодорăн» уйрăм пуçлăхӗ Сергей Порфирьев пулчӗç.
-
Хусанта ачасем валли Чăваш Ёлки пулать!
Ку вырсарникун, декабрӗн 24-мӗшӗнче, Хусанти Туслăх Çуртӗнче (Павлюхин урамӗ, 57-мӗш çурт) чăваш ачисем валли Чăрăш уявӗ пулать. Пӗчӗк туссене пурне те кӗтетпӗр!
-
Саплăксем «Новый век» телерадиокомпанин премине тивӗçнӗ
Çӗпрел районӗнчи Алешкин Саплăк шкулӗнче 8-мӗш класра вӗренекенсем конкурса «Акатуй» чăваш ташшипе хутшăнса мала тухнă.
-
Декабрӗн 16-мӗшӗнче – «Раççей чăваш пики-2023»
Чăваш хӗрӗсен пултарулăхпа илем конкурсӗ кăçал Шупашкарта декабрӗн 16-мӗшӗнче пулать.
-
Мӗнпур аненне Анне кунӗпе саламлатпăр!!!
Паян çӗр çинчи чи çывăх çынсен – АННЕСЕН – кунӗ! Чи ырă çепӗç сăмахсемпе саламлатпăр!
-
Хусанта «Тутарстан Паттăрӗсен амăшӗсем» фотокурав уçăлчӗ
«Защитники Отечества» патшалăх фончӗн Тутарстанри уйрăмӗнче «Тутарстан Паттăрӗсен амăшӗсем» фотокурав уçăлчӗ. Социаллă проектăн тӗллевӗ – çемье хаклăхӗн пӗлтерӗшне палăртасси, Тăван çӗршыва хӳтӗлекен ывăлсем çуратнă аннесене сума сăвасси. Фотокуравра СВОна хутшăннисен амăшӗсемпе ытти çывăх тăванӗсен тата ывăлӗсене (тăванӗсене) халалласа çырнă çырусен сăнӳкерчӗкӗсем. Пӗтӗмпе 20 портрет, пурте ывăлӗсен çар тумне уртса е тытса сăн ӳкерӗннӗ.
-
Малашлăх технологийӗсем текех ӗмӗтре мар – пурнăçра
3D-принтерсемпе усă курса детальсем хатӗрлесси пӗр 10 çул каялла этем фантазийӗ пек кăна туйăнатчӗ пулсан, паян – чăн пурнăç. Кăна ноябрӗн 20-21-мӗшӗсенче Хусанти Б.Рамеев ячӗллӗ IT-паркра иртнӗ юбилейлă V «Аддитивные технологии – новая реальность» Лидер-форумра хамăр куçпа курма пултартăмăр. Форум шăпах аддитивлă технологисемпе (пластика, метала, бетона сий хыççăн сий хуша-хуша 3D-принтерсемпе пичетлесси) хатӗрленӗ чи çӗнӗ 3D-изделисен куравӗ уçрӗ. Çӗршыври аддитивлă технологисен çӗнӗлӗхӗсемпе ТР Раисӗ Рустам Минниханов та паллашрӗ.