упрăр туслăха

Юлташу çине ӳпкелесен те,

Ан васка, кăларăн çиллӳне.

Эс айăпличчен чамаласа пăх

Туслăхпа тăшманлăх виçине.

Тантăшу васкарӗ кăна мар-и,

Ăнсăртарн кӳрентерсе сана?
Çылăхланчӗ те вăл, халсăрланчӗ,

Айăпне ан асилтер ăна.

Ватăла-киле эпир хавшатпăр,

Кун-çулсем иртсе пымассерен

Туссене çăмăллăн çухататпăр.

Тупасси - йывăрланать сӗре.

Шанчăклă лашу çула тухсассăн

Урине пăта тăрăнтарсан -

Çул начар, лашу айăплă мар сан,

Йăнăшан ăна ылмаштарса.

Этемсем! Ыйтатăп, тархаслатăп,

Реклама

Ан вăтанăр пархатарлăхран.

Тӗнчере туссем нумаях мар-тăр:

Хăрăр пăрахма юлташăра.

Эпӗ урăх йӗркепе пурнаттăм,

Усала вăйсăрлăхра курса.

Мӗн чуль юлташа эпӗ çухатрăм,

Миçе тус-ши кайрӗ пăрăнса?..

Каярах эп мӗн кăна курмарăм

Кукăр-макăр сукмаксем çинче.

Юлташсем çитменнипе хурлантăм,

Туссене шырарăм ӳкӗнсе.

Шăпаран ыйтатăп, тӗлпултартăр

Çухатнă тус-тантăшăмсемпе.

Кама каçарман эп хам хăçан-тăр,

Е мана каçараймансемпе.