Йӗркене пăсакансене тупса палăртнăшăн 275 пин тенкӗ илнӗ
«Народный инспектор» приложени 2024 çулхи сентябрь уйăхӗнчен ӗçлеме пуçларӗ. Çак вăхăтра ун урлă тутарстансем тӳлевлӗ 7 категорипе 12 пин ытла заявка ярса парса 5,6 миллион тенкӗ ӗçлесе илнӗ. Вӗсен хушшинче пӗрремӗш вырăнта 226 заявка ярса паракан рекордсмен та пур, вăл 275 пин тенкӗ, иккӗмӗш вырăнта – 209 заявкăпа 260,8 пин тенкӗ ӗçлесе илнӗ. Кун пирки ТР Патшалăх управленийӗн цифра аталанăвӗн, информаци технологийӗсен тата çыхăну министерствин пресс-служби пӗлтерет.
