News by tag - Ростки: Россия и Китай

• 18 августа 2025

  «Ростки» форумра Рустам Минниханов Тутарстана Китайпа нумай енпе ӗçлеме интереслӗ пулнине палăртрӗ

  Паян, августăн 18-мӗшӗнче «Казань Экспо» халăхсен хушшинчи курав центрӗнче «РОСТКИ: Россия и Китай – взаимовыгодное сотрудничество» форум тата Russia China Expo курав уçăлчӗç. Церемоние Тутарстан Раисӗ Рустам Минниханов, Чӑваш Республикин Пуçлӑхӗ Олег Николаев, Оренбург облаçӗн губернатор тивӗçӗсене вăхăтлăх пурнăçлакан Евгений Солнцев хутшăнчӗç.

  
• 13 августа 2025

  Августăн 18-19-мӗшӗсенче «Казань Экспо» халăхсен хушшинчи курав центрӗнче «Ростки» форум иртет

  Хусанта кăçал виççӗмӗш хутчен «Ростки: Россия и Китай – взаимовыгодное сотрудничество» форум иртет. Ку вăл – Раççейпе Китай Халăх Республикин ӗçлӗ тата культура ылмашăнăвӗсен площадки. Мероприяти августăн 18-19-мӗшӗсенче «Казань Экспо» халăхсен хушшинчи курав центрӗнче пулӗ. Йӗркелӳçӗсем пӗлтернӗ тăрăх, çуллен форумпа ытларах интересленме пуçлани палăрать. Кăçал унта 32 ют çӗршыв килме заявка янă. Раççей регионӗсенчен 59-шӗ килме кăмăл тунă. Кӳршӗсенчен Чăваш Республики, Ульяновск, Оренбург облаçӗсем.

  
• 19 ноября 2024

  Китай делегацийӗ ыйтнипе «РОСТКИ» форум тепӗр çул август уйăхӗнче иртет

  Китайсен ыйтăвне тивӗçтерсе ТР Раисӗ Рустам Минниханов форума августăн 18-19-мӗшӗсене куçарни пирки постановление алă пусса çирӗплетнӗ. «Август уйăхӗ вӗсене пур енӗпе те тивӗçтерет, пӗрремӗшӗнчен çанталăкӗпе тата саккăр цифрăна юратаççӗ китайсем, август саккăрмӗш уйăх-çке. Ăнăçупа пуянлăх палли теççӗ саккăр пирки», — çӗнӗ хыпар пӗлтерчӗ ноябрӗн 17-мӗшӗнче «Татар-информ» ИАра Росткин пӗтӗмлетӗвӗсемпе иртнӗ пресс-конференцире ТР Инвестицилле аталану агентствин ертӳçи Талия Минуллина.

  
• 14 ноября 2024

  Рустам Минниханов: «Раççейпе Китай компанийӗсен хушшинче ӗçлӗ, усăллă килӗшӳсем тăвасса кӗтетпӗр»

  Паян, ноябрӗн 14-мӗшӗнче, «Казань Экспо» халăхсен хушшинчи курав центрӗнче «РОСТКИ: Россия и Китай — взаимовыгодное сотрудничество» бизнес-форум тата Russia — China Expo курав уçăлчӗ.

  
• 13 ноября 2024

  «РОСТКИ» форум Раççейпе Китайăн туслă хутшăнăвӗсене çирӗплетет

  БРИКС саммичӗ иртсе кайнă хыççăн нумай та вăхăт иртмерӗ «Ростки: Россия и Китай — взаимовыгодное сотрудничество» халăхсен хушшинчи форум пуçланчӗ, вăл ноябрӗн 13-15-мӗшӗсенче иртет. Ӗç программи Г.Тукай ячӗллӗ паркра лăсăллă йывăç тӗммисене лартнинчен пуçланать кăçалхи форум. Ку ӗнтӗ мероприятин ятне тӳреммӗн палăртнисӗр пуçне ӗçлӗ хутшăнусен ăнăçлăхӗн, вӗсен ӳсӗмӗн символӗ те пулса тăрать. Йывăç тӗпӗсене лартнă акци Китай Халăх Республикин Хусанти Генеральнăй консулӗ Сян БО, ТР экологипе çутçанталăк ресурсӗсен министрӗ Александр Шадриков хутшăннипе иртрӗ.