Ӗнер Шупашкарта «Тӗрӗксен ылтăнӗ» форум пуçланнă

Тӗрӗк халăхӗсен çамрăкӗсем пӗрре мар кун пек пуçтарăнаççӗ. «Тӗрӗксен ылтăнӗ» те пӗр çулне Хусанта иртнӗччӗ. Пӗр-пӗринпе паллашса туслашнинчен инçе кайни хальлӗхе курăнмарӗ. Яш-кӗрӗм вăхăтӗнче унтан ытларах мӗн кирлӗ тата? Апла-и, капла-и, Раççейри 14 регионтан 160 делегат форума пуçтарăннă. Ытларах тӗрӗк халăхӗсене тӗпчес, хăватне аталантарас тесе тăрăшакан çамрăксен лидерӗсем пухăннă Шупашкара. 
«Тӗрӗксен ылтăнне» Национальноçсен ӗçӗсен федераллă агентстви ирттерет. Тренингсем, тӗлпулусем, влаç çыннисем мӗн каланине итлесе ларни тата ытти те программăра пур. Хăйӗн халăхне чунтан юратакансем хутшăнаççӗ ун пек мероприятисене. Хусанти чăвашсенчен делегатсен хушшинче Елена Павлова студенткăна курма пулчӗ. Лена общество ӗçӗнче пысăк опыт пухнă çын, вăл волонтер та пулса ӗçлерӗ, чăваш çамрăкӗсен «Аталан» юхăмне те ăнăçлă ертсе пычӗ.
Форум августăн 22-мӗшӗччен тăсăлӗ.
Сăнӳкерчӗксем сар.ru сайтран.