Йышăну тунă чух çирӗп кăмăллă пулмалла

ТАКА 21.III – 20.IV 

Эрне пуçламăшӗнче хăвăрта хавхалану, вăй-хал туятăр. Кирлӗ пек усă курасчӗ вӗсемпе. Юнкун кӗтмен çӗртен сиксе тухакан ыйтусене хăвăрт татса пама тивет. Эрне вӗçӗнче çӗнӗ çынсемпе паллашатăр, вӗсем карьера тума пулăшӗç.  

ВĂКĂР 21.IV – 20.V 

Тунтикун вăйран кайиччен ӗçлеме хушмаççӗ çăлтăрсем. Ытларикун ытларах тупăш паракан хушма ӗç тупăнма пултарать, анчах килӗшме ан васкăр. Канмалли кунсене çывăх çынсемпе ирттермелле.

ЙӖКӖРЕШСЕМ 21.V – 21.VI 

Эрнен пӗрремӗш çурринче çӗнӗ проектсемпе ӗçлеме пуçлани лайăх, анчах вак-тӗвекпе аппаланса вăй-халăра, вăхăтăра пӗтерме кирлӗ мар. Юнкун илнӗ кӗтмен хыпар самай хумхантарӗ. Вырсарникунхи сюрпризсем харкам пурнăçăра тӗпрен улăштарӗç.

РАК 22.VI – 22.VII 

Ӗçлӗ ыйтусене сӳтсе явнă чух эрне пуçламăшӗнче вак-тӗвексемпе  уйрăмах тимлӗ пулмалла. Кӗçнерникунхи калаçусем сирӗншӗн пӗлтерӗшлӗ пулӗç. Вӗсем ăнланманлăхсене пӗтерме пулăшӗç. Шăматкун, вырсарникун канмалла, эмоцисене кăшт вăйсăрлатмалла. 

АРĂСЛАН 2.VII – 22.VIII 

Тунтикунхи улшăнусене пула çаврăнăçуллăрах, тавçăруллăрах пулма тивӗ. Эрнекун ӗçлӗ тӗлпулусене хутшăнни сире мал ӗмӗтлӗ шанăç кӳрӗ. Канмалли кунсенче мӗн тăвассине интуици систерӗ.

ХӖР 23.VIII – 22.IX 

Ытларикун ӗçре сирӗн çитӗнӳсене палăртни карьерăшăн питӗ пӗлтерӗшлӗ тапхăр пулӗ. Юнкун çынпа хирӗçсе каяс темесен никама та питлемелле мар. Вырсарникун пӗччен канни вăй хушать.

ТАРАСА 23.IX – 23.X 

Эрне пуçламăшӗнче хăвăршăн пӗлтерӗшлӗреххисене палăртса хумалла. Кӗçнерникун пулакан тӗлпулусем пурнăç çине урăх куçпа пăхма хистеççӗ. Канмалли кунсенче харкам пурнăçăра тимлӗр.

СКОРПИОН 24.X – 22.XI 

Тунтикун хăюллăрах пулăр, эрне варринче хастартарах пулмалла, уйрăмах ӗçре. Эрне варринче укçа-тенкӗ килӗ, анчах тăкаклама ан васкăр. Вырсарникун хăвăра мӗн кирлине лайăхрах ăнланса илетӗр. 

УХĂÇĂ 23.XI – 21.XII 

Питӗ пӗлтерӗшлӗ ыйтусене хурав тупассипе ӗçлетӗр эрне пуçламăшӗнче. Кӗçнерникун пӗр кăткăс ыйтупа йышăну тума тивет. Асăрхануллă пулăр, малашнехи ӗçсем мӗнле пуласси унран килет. Шăматкун пултарулăхăра кăтартма май килет, çӗнӗ идейăсемпе хавхаланатăр. 

ТУ КАЧАКИ 22.XII – 20.I 

Ытларикун хăвăр çине яваплăх илме хăрамалла мар, мӗншӗн тесен ку самай пысăк çитӗнӳ тума май парать. Эрнекун ӗçлӗ калаçусем пулаççӗ. Вӗсем ырăпа вӗçленсен карьера картлашкипе улăхма май килет.  Канмалли кунсенче çемйӗрпе килте канма та, çулçӳреве тухма та лайăх.

ШЫВТĂКАН 21.I – 19.II 

Тахçанах татса памалли ыйтусем патне тунтикун таврăнма тивет. Интуици пулăшнипе юнкун кирлӗ мар тавлашусенчен пăрăнма май килет. Вырсарникун ырă çынсемпе тӗл пулса калаçни, канса вăй илни кăмăла çӗклет. 

ПУЛĂСЕМ 20.II – 20.III 

Эрне пуçламăшӗ хӗвӗшӳпех иртсе каять, кӗçнерникун çывхарнă май лару-тăру лăпланать. Эрнекунхи сӗнӳсене йышăнасси-йышăнмассине хăвăрт шутласа илмелле. Вырсарникун хăвăра тимлӗх уйăрăр, юлашки вăхăтра ывăнса çитнине туятăр.