Шалтан тухакан хăват чăмăра пуçтарăнса сулмаклă вăй пулса тăрать

ТАКА 21.III – 20.IV 

Умри тӗллеве уçăмлатса ун патне чунран савăнса çывхармалла. Хăш чухне ӗç вӗçленни мар, вăл мӗнле пыни пирӗншӗн пӗлтерӗшлӗрех. Юлташăрсемпе хутшăнусем пит аван тееймӗн, эсир хăвăра мăнна хурса ыттисемпе сиввӗнрех калаçнине питлеççӗ вӗсем. 

ВĂКĂР 21.IV – 20.V 

Вӗçленӗ ӗçсене тишкерсе çӗнӗ проектсем планлама меллӗ вăхăт. Эсир чунран калаçма пӗлни, илӗртӳллӗ пулни, хăвăра вăйпитти туйни кирлӗ çынсемпе çăмăллăнах паллашма май парать. 

ЙӖКӖРЕШСЕМ 21.V –21.VI 

Юратнă çыннăрпа кил-тӗрӗшре аппаланни чăн-чăн телей кӳрет сире. Ку эрнере плансем, пурнăçлама шутланисем пит нумай, тен, хăшӗсене чăнах та пурнăçлăр. Сывлăхăршăн чи кирли – уçă сывлăшра утса çӳрени, спортпа аппаланни.

РАК 22.VI –22.VII

Лидер пулма талпăнни курăнать çак эрнере. Ку ӗмӗте пурнăçлама çăлтăрсем пулăшаççӗ. Ӗçе юратса тунăшăн ачăрсене тивӗçлипех мухтама тӳр килет. Ӗмӗтӗрте пит çӳле вӗçсе каймасан, плана кӗртнисене пурнăçлама ӗлкӗретӗр.

АРĂСЛАН 2.VII – 22.VIII 

Ăнăçлă тапхăр сирӗншӗн ку эрне. Финанс лару-тăрăвӗ тăруках лайăхланать. Пуçаруллăрах пулăр, çывăх çыннăрсене пулăшăр. Халиччен пыракан ӗçсене вӗçлемелле. Ку эрнере илтекен хыпар ӗç çине лайăх витӗм кӳрет. 

ХӖР 23.VIII – 22.IX 

Кӗтмен тӗлпулусемпе, çӗнӗ паллашусемпе тӗлӗнтерет эрне. Творчество профессийӗпе ӗçлекенсен ăс-хакăлне аталантарма май пулать. Ку эрнене çемйӗрпе хула тулашӗнче ирттерни савăнăç кӳрет. 

ТАРАСА 23.IX – 23.X 

Çине тăма пӗлнипе, тӗллевӗр патне тӳсӗмлӗн çывхарнипе çак кунсенче умри чăрмавсене туххăмрах сирсе пăрахатăр. Лару-тăрăва тӗрӗс, пӗтӗм енчен тишкерсе хаклатăр. Ку эрнере теветкелленни хăйне тӳрре кăларать – суту-илӳ ăнăçлă иртет.

СКОРПИОН 24.X – 22.XI

Ку таранччен тăрăшса ӗçленин уссине çак кунсенче куратăр. Енчен те мӗн-тӗр тума пуçларăр-тăк – çурт лартатăр-и, çемье чăмăртатăр-и – тӗплӗн, çирӗп, ӗмӗрлӗхе тăвăр. Ума лартнă тӗллевсем патне çирӗппӗн çывхармалла, анчах сапăрлăха çухатмалла мар, çынсемпе виçеллӗ тыткаламалла хăвăра. 

УХĂÇĂ 23.XI –21.XII 

Кӗтмен идейăсемпе плансенчен пуçланать эрне. Халь паллашнă çынсем ӳлӗм сирӗн шăпана пӗлтерӗшлӗ витӗм кӳрӗç. Эрне варринче ӗçпе çыхăннă сӗнӳ пулӗ сире. Анчах килӗшме ан васкăр – шанчăклă-и?

ТУ КАЧАКИ 22.XII – 20.I 

Енчен те ӗçсене маларах планлатăр-тăк, ку эрне сирӗншӗн ăнăçлă тапхăр пулать. Шăп çак кунсенче таврари çынсемпе килӗшӳ, чун киленӗвне тупатăр. Тен, юлташăрсенчен канаш ыйтас килӗ, анчах вӗсен йăнăшасси те пулать, астăвăр.

ШЫВТĂКАН 21.I – 19.II 

Ку вăхăт сирӗншӗн çӗнӗ шанăç вăхăчӗ, кӗтмен уçăмлăхсен тапхăрӗ. Эрне пуçламăшӗнче хавхаланса творчество, инноваци проекчӗсене пурнăçлама пуçлатăр. Эрне варринче питӗ пӗлтерӗшлӗ çулçӳревсем, тӗлпулусем умра çутă малашлăх уçаççӗ.

ПУЛĂСЕМ 20.II – 20.III 

Эрнепе пӗрлех пурнăçăрта улшăнусем пуçланаççӗ. Халь эсир нихăçанхинчен çирӗп кăмăллă, яваплă. Сирӗн тавра мӗн пулса иртнине сăнаса, çынсен хăтланăвӗсене тимлесе тӗрӗс ăнланса илӗр. Сирӗн малашнехи тăнăçлăх çакăнтан килет.