Владимир Кожуков: «Эпӗ Учук тăшманӗ пулса тăтăм...»

Тутарстанри Чăваш наципе культура автономийӗн Канашӗ ку эрнекун Хусанта пухăнса 2017 çулта тунă тата тумалли ӗçсене пăхса тухрӗ. Пӗлтӗр кӗркунне иртнӗ отчетпа суйлав Конференцийӗнче Канаша вăйлатса 53 пайташ суйланăччӗ. Çав шутра Элмет Районӗнчи Ерӗспел шкулӗн директорӗ пулса ӗçлекен Владимир Кожукова та. Владимир Григорьевич нумай çул общество ӗçӗнче. Вăл нихăçан та йăпăлтатса, кама-тăр юри, ячӗшӗн мухтаса тăмасть, сăмаха тӳрӗрен калать. Шуррине - шурă, хурине - хура. Хальхинче те халăх йăлисене малалла тăсакан уявсем эрех ӗçессипе вӗçленмелле марри çинчен каларӗ педагог.