«Ак Барс» хоккеисчӗ çулталăкне 85 миллион тенкӗ илет

КХЛ клубӗсен чи пысăк ӗç укçи илекен хоккеистсен рейтингӗ паллă пулнă. ТОП-50 шутне «Ак Барс» командăн 6 хоккеисчӗ те кӗнӗ. Чи хаклă контракт Канада форварчӗпе Джастин Азеведопа тунă – 85 миллион тенкӗ, пӗлтӗрхипе танлаштарсан 20 миллион тенкӗ сахалрах. Рейтингра вăл 6-мӗш вырăнта. «Ак Барс» капитанӗ Данис Зарипов çулталăкне 60 миллион тенкӗ ӗçлесе илӗ (рейтингра 25 – 37-мӗш вырăн). Сăмах май, Хусан командин нападающийӗ хăй вăхăтӗнче чи хаклă хоккеист пулнă – 130 миллион тенкӗ. «Ак Барсăн» тăватă выляканӗ Станислав Галиев, Стефан де Коста, Патрис Кормье, Кирилл Петров 55 миллион тенкӗ илӗç. КХЛăн чи хаклă хоккеисчӗ Мускав «Динамин» капитанӗ – Вадим Шипачев. Вăл пӗр сезонра 120 миллион тенкӗ ӗçлесе илет.  

М.Захаров сăнӳкерчӗкӗ.