Апрелӗн 18-мӗшӗччен «Сувара» йӳнӗрехпе çырăнма пулать
Хаклă вулакансем! 2024 çулăн 2-мӗш çур çулӗ валли хаçат-журнал çырăнмалли кампани малалла тăсăлать. Эппин юратнă кăларăмсене çитес çур çулта та илсе тăрас тесен вăхăта çухатмасăр çыхăну уйрăмне васкамалла.
Апрелӗн 18-мӗшӗччен «Сувар» хаçата йӳнӗрех хакпа çырăнма пулни пирки аса илтеретпӗр сире, хаклă вулакансем. Раççей Почти ирттерекен çырăнтару декади шăп çав кун вӗçленет.
Тӗп çырăнтару вăхăтӗнчи хак Тутарстанра 6 уйăха 783 тенкӗ те 78 пус-тăк, декада вăхăтӗнче чăвашла кăларăма 689 тенкӗ те 10 пуспа çырăнма пулать.
Чăваш Енре, Ульяновск, Самар, Пенза, Ленинград, Мускав облаçӗсенче «Сувара» апрелӗн 18-мӗшӗччен 747 тенкӗ те 30 пуспа (тӗп çырăнтару кампанийӗ вăхăтӗнчи хак 820 тенкӗ те 32 пус);
Пушкăртстанра тата Челябинск облаçӗнче 782 тенкӗ те 82 пуспа (тӗп кампани вăхăтӗнче 859 тенкӗ те 80 пус) çырăнма пулать.
Майпа усă курăр, тăванăмăрсем!
Хаçат индексӗ Тутарстанра — П2340, Раççейӗн ытти регионсенче — П7093.
Чăваш пулар, пӗрле утар!
Следите за самым важным и интересным в Telegram-каналеТатмедиа
Нет комментариев