Ăс-хакăл пурнăçне тĕрев панишĕн

Сумлă наградăна  Хусан тата Тутарстан митрополичĕ Кирилл панă

Январĕн 7-мĕшĕнче Хусан муниципаллă йĕркеленÿ пуçлăхĕн пĕрремĕш çумне Денис Калинкина Даниил Московский Çветтуй кнеçĕн орденĕн III степенне панă. Ку сумлă наградăна вăл Хусан тата Тутарстан митрополичĕ Кирилл аллинчен илнĕ.

Ордена çĕршывăн ăс-хакăл пурнăçне аталантарма пысăк тÿпе кĕртнĕ çынсене параççĕ. Пĕлтĕр Хусан муниципаллă йĕркеленÿ пуçлăхăн пĕрремĕш çумĕ Республика ача-пăча клиникин больницин лаптăкĕнче Турă Амăшĕн турăшĕн ячĕпе «Целительница» храм строительствине пуçарма пулăшнă. Çакăншăн та, православи обществин пурнăçне хастар хутшăннăшăн та  Мускав тата пĕтĕм Руçăн Таса Патриархĕ Кирилл Денис Калинкина çак наградăна парса чысланă.

«Целительница» храм тата мечĕт пĕлтĕр авгусăн 30-мĕшĕнчен ĕçлеме пуçланă. Ăс-хакăл комплексне  «Тихий сад» ят панă. Ăна уçнă çĕре ТР Раисĕ Рустам Миниханов тата республикăн патшалăх канашçи Минтимер Шаймиев хутшăннă.

Сăнÿкерчĕк Тутарстан Митрополийĕн.