Автоинспекторсем автобуссене тӗрӗслеççӗ

Тутарстан патшалăх автоинспекцийӗ пӗлтернӗ тăрăх, вӗсем çак вăхăтра автобус водителӗсене ытларах сăнаççӗ. Докуменчӗсем, çул-йӗр лисчӗ, обязательнăй страховани полисӗ тата ытти пур-и вӗсен, автобусӗсем юсавлă-и?

Юлашки вăхăтра автобус водителӗсен айăпӗпе çул-йӗрсем çинче инкексен шучӗ ӳснипе автоинспекторсем рейда тухнă та. Статистика чăнах та шухăшлаттарать, кăçал пӗрремӗш кварталта кăна республикăри çулсем çинче пурӗ 20 автобус аварие лекнӗ, икӗ çын вилнӗ, тепӗр 22-шӗ аманнă.