«Çынсен сывлăхне нимӗнле хăрушлăх та çукки пӗлтерӗшлӗ. Вӗсене госпитализациленӗ, кирлӗ пек сиплеççӗ. Пациентсен лару-тăрăвӗ вăтам йывăрлăхлă. Терапевтсен прогнозӗсем лайăх», – палăртнă Олег Николаев.
Ун сăмахӗсемпе, чирленӗ çынсемпе контактра пулнисем пурте сывă, вӗсем профилактика сиплевӗ илеççӗ, тухтăрсен тăтăш сăнавӗнче тăраççӗ.
Тутарстанри Ветеринари служби пӗлтернӗ тăрăх, çӗпӗр язвине этем чӗрчунсемпе аш-какайран ертме пултарать: чирлӗ выльăха пăхнă чухне е пуснă вăхăтра, выльăх тирне тыткаланă вăхăтра, чирлӗ выльăхăн чӗрӗ ашне е пиçсе çитмен какайне çисен.
Çак чире профилактикăлас тӗлӗшпе çулсерен выльăхсене вакцинацилеççӗ: мăйракаллă шултăра тата вӗтӗ выльăха, лашасене, сыснасене. Профилактика шутне туяннă выльăхсен 30 кунлăх карантинӗ, чирлӗ выльăхсене пуснă хыççăн какайне лаборатори меслечӗпе тӗрӗслесси те кӗреççӗ. Республикăра ял хуçалăх выльăхӗсене тата аш-какай продукцине санкцилемесӗр ан турттарччӗр тесе постсенче ветеринари инспекторӗсем дежурствăра тăраççӗ.
Нет комментариев