Елабугăри каçсем асамлă музыкăпа илемлĕ

Музыка жанрӗсен калейдоскопӗнче кашни хăйне çывăх кĕвĕсем итлесе киленĕ - симфони классики, вӑтам ӗмӗрсенчи анӑҫ европа композиторӗсен хайлавĕсем, джаз тата вырӑс композиторĕсен тĕн музыки, çавăн пекех халӑх кӗввисемпе авторсен юррисем.

 Елабуга варринче – Шишкин пӗвисен таврашĕнче - иртекен фестиваль куракансене яланхи пекех чи ҫутӑ та манӑҫми туйӑмсем парнелӗ, тӗлӗнмелле ҫут ҫанталӑк акустикипе профессиллĕ музыкантсен ăсталăхĕ хумхантаракан туйӑмсем ĕмĕрлĕхе асра хӑварӗ.

Концерт программисене июлӗн 9-мӗшӗнчен 12-мӗшӗччен ирттерме палӑртнă. Фестивале хутшăнакан коллективсемпе уйрăм артистсенчен çаксем паллă:

- Ĕпхӳрен Пушкӑртстан симфони оркестрӗ;

- Хиба Аль Кавас, Ливан композиторӗ, опера юрӑҫи;

- Борис Березовский маэстро (фортепиано);

- Айгуль Хисматуллина (сопрано);

- Игорь Бутман хăйĕн джаз оркестрӗпе;

- Айдар Салахов баянист;

- Игорь Лерманӑн камерлă оркестрӗ;

- Миляуша Таминдарова ертсе пыракан хор;

- «GAUGA»ушкӑн;

«Мирас» юрăпа ташă фольклор ансамблĕ;

- Çырчаллинчи  çулхи сĕрмекупăсçă Лука Моромов;

- Саида Мухаметзянова тата ыттисем.

Сăнӳкерчĕк mincult.tatarstan.ru сайтран.