Элмет районӗнчи шкулсенче антиковидлӑ расписани йышӑннӑ

Уроксемпе переменӑсен пуҫламӑшӗ кашни класшӑн расна пулать.

Районти Вӗрентӳ управленийӗн ертӳҫи Ирина Павловская пӗлтернӗ тӑрӑх, ҫӗнӗ вӗренӳ ҫулӗнче Элметри ачасем шкула тӗрлӗ вӑхӑтра килессине пӗлтернӗ. Шкулӑн мӗн пур алӑкӗ уҫӑ пулать.
"Ачасем шкула вӑхӑтпа килме пуҫлаҫҫӗ. Калӑпӑр, 1-мӗш "а" 8:00 сехет валли килет, 1-мӗш "б" 8:10 валли. Ҫак вӑхӑтра пӗр алӑкран эпир шутлӑ ачана кӗртетпӗр, анчах шкула ачасем тӗрлӗ вӑхӑтра кӗрӗҫ" , – ӑнлантарнӑ Павловская.
Вӗренекенсен мӗн пур занятийӗ пӗр кабинетра иртет. Пӗр класпа тепӗр клас ан тӗлпултӑр тесе переменӑна та шкул ачисем тӗрлӗ вӑхӑтра тухӗҫ. Ҫакӑ столовӑя каяссине те пырса тивет. Ӑшӑ ҫанталӑкра, учителе доскапа компьютер кирлӗ мар пулсан, уроксем урамра иртӗҫ.