Икӗ эрнере сакăрвунă пӗр пушар

Сводкăран курăннă тăрăх, ТР МЧС ӗçченӗсен Çӗнӗ çул уявӗсен вăхăтӗнче ахаль ларма май килмен, шел пулин те. Декабрӗн 31-мӗшӗнчен пуçласа январӗн 8-мӗшӗччен республикăра пӗтӗмпе 81 (!) пушар тухнă, вӗсенче 8 çын çунса вилнӗ, 8 çын шар курнă, тепӗр 4-шӗ çăлăннă. Инкексем хальхинче хутса ăшăнмалли хатӗрсем, мăрьесем юсавсăррипе, вутпа асăрханманнипе, электрооборудованисен хăрушсăрлăх правилисене пăхăнманнипе пулнă иккен.
Çӗнӗ çул вăхăтне тӳрӗ килекен инкексен шучӗ те хальхинче пӗчӗк теме çук, декабрӗн 23-мӗшӗнчен пуçласа январӗн 8-мӗшӗччен пиротехника хатӗрӗсемпе тӗрӗс мар усă курнипе 13 çын, вӗсенчен чи çамрăкки 10 çулта, шар курнă.