Юлташсем, çырăнтару пырать

Акă льготăллă çырăнтару тапхăрне те кӗтсе илтӗмӗр. Октябрӗн 13-мӗшӗччен «Сувар» хаçата çур çула Тутарстанра 628 тенкӗпе çырăнса илме пулать. Ытти вăхăтра вăл хаклăрах тăрӗ. Çавăнпа та васкама сӗнетпӗр.
Хăвăр çырăнас теместӗр-тӗк  (мӗн пытармалли – чăвашсен хушшинче тăван чӗлхепе вула пӗлменнисем çителӗклӗ), аслă çулти тăванăрсене çырăнтарса парăр.
Нурлат районӗнчи Якурккел ялӗнче пурăнакан Галина Терентьева çапла тунă та. Вăл хăй те чăвашла хаçата çырăннă, тăванне те Аслă çулти çынсен кунӗпе саламласа квитанци парнеленӗ.  Лайăх тӗслӗх. Мухтас килет.