Канмалли кунсенче юр ҫума пултарать
Паян Тутарстанра карчӑк ӑшши хуҫаланать-ха, сывлӑш температури кӑнтӑрла 12-17, каҫхине 5-10 градус пулать
Ҫитес канмалли кунсенче Тутарстанра ҫанталӑк пӑсӑлма тытӑнасси ҫинчен пӗлтерет республикӑри Гидрометцентр.
Атмосфера фрончӗсем сивӗ илсе килеҫҫӗ, ҫумӑр ҫӑвать, хӑш-пӗр районра йӗпе юр та. Синоптиксем атмосфера давленийӗ улшӑнасси пирки те асӑрхаттараҫҫӗ.
Паян Тутарстанра карчӑк ӑшши хуҫаланать-ха, сывлӑш температури кӑнтӑрла 12-17, каҫхине 5-10 градус пулать. Шӑматкун ҫӗрле ҫил вӑйланма пуҫлать, кӗске ҫумӑрсем пулкалаҫҫӗ, юр та ҫума пултарать. Тӗттӗмленсен сывлӑш температури +2,+7 пулать.
Вырсарникун, октябрӗн 18-мӗшӗнче ирхи тата каҫхи вӑхӑтра каллех ҫумӑр ҫума пуҫлать, вырӑнӗ-вырӑнӗпе йӗпе юрпа хутӑш. Ҫил хӑвӑртлӑхӗ ҫеккунтра 15-17 метра ҫитет. Ҫӗрле -4 градус таранччен шӑнтма пултарать.
Тунтикун ҫанталӑк +7-12 градус таран ӑшать тесе шантараҫҫӗ Гидрометцентрта. Ытларикун +4,+8 градус пуласса кӗтеҫҫӗ вӗсем.
Следите за самым важным и интересным в Telegram-каналеТатмедиа
Нет комментариев