Ноябрьте Тутарстанра пурăнакансене икӗ ӗç кунӗллӗ эрне кӗтет
Ноябрь пуçламăшӗнче Тутарстанра пурăнакансене икӗ ӗç кунӗллӗ эрне кӗтет. Анчах та ун умӗнхи эрне 6 ӗç кунӗллӗ пулать. Çакăн пирки ТР Ӗç, ӗçлӗх тата социаллă хӳтлӗх министерствин пресс-служби пӗлтерет.
Ноябрӗн 4-мӗшӗ, пурте пӗлетпӗр, Халăхсен пӗрлӗхӗн кунӗ, вăл канмалли кун пулнине РФ Ӗç кодексӗн 112-мӗш статйинче каланă. Ноябрӗн 6-мӗшӗ вара – ТР Конституцийӗн кунӗ, ăна «Тутарстан Республикинчи уяв тата асра тытмалли кунсем çинчен» законпа çирӗплетнӗ.
Кунсăр пуçне РФ Правительствин 2024 çулхи октябрӗн 4-мӗшӗнче тухнă 1335№ «2025 çулта канмалли кунсене куçарасси çинчен» калакан постановленийӗпе килӗшӳллӗн, ноябрӗн 1-мӗшне лекекен канмалли куна (шăматкун) ноябрӗн 3-мӗшне, тунтикуна, куçарнă. Çапла вара ноябрӗн 2, 3, 4, 6, 8 тата 9-мӗшӗсем – канмалли кунсем пулаççӗ. Ноябрӗн 5 тата 7-мӗшӗсем – ӗç кунӗ.
Ноябрӗн 1-мӗшӗнче тата 5-мӗшӗнче ӗç кунӗ, РФ Ӗç кодексӗн 95-мӗш статйин 1-мӗш пайӗпе килӗшӳллӗн, пӗр сехете кӗскелет.
В.Александрова сăнӳкерчӗкӗ.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев