Тутарстанра 459 шкул пӗтерекен экзамен парса çӗр балл пухнă
Республикăра ЕГЭ паракансен хушшинче 459 шкул ачи пӗр предметпа 100 балл пухнă. Çак кăтартупа Тутарстан малта пыракан регионсен шутне лекнӗ. Списока çавăн пекех Мускав, Санкт-Петербург, Мускав облаçӗ тата Краснодар крайӗ кӗнӗ.
Çӗр балл пухнисен шучӗпе Санкт-Петербург малта – ЕГЭ парса 100 балл пухакансен шучӗ унта 914 выпускник. Иккӗмӗш вырăнта – Мускав облаçӗ, унта 836 шкул ачи чи пысăк кăтартупа экзамен панă. Краснодар крайӗнче ку цифра 416 танлашнă – ку регионăн юлашки 12 çулхи чи лайăх кăтартăвӗ. Пушкăртстанра пӗр предметпа та пулин чи пысăк балл 183 выпускник илнӗ, пӗлтӗр вӗсен 159-ăн пулнă.
Çавăн пекех ытти регионсенче те – Сахалин облаçӗнче, Бурятире, Новосибирск, Ленинград, Калуга тата Пенза облаçӗсенче çӗр баллисен шучӗ ӳсни палăрать – унта вӗсен шучӗ пӗлтӗрхипе танлаштарсан икӗ хута яхăн ӳснӗ.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев