Тутарстанра «Экоçуркунне-2022» акци пуçланать

Акцин тӗп тӗллевӗ – чи лайăх экологи пуçарăвӗсене тата республикăри тасалăхшăн кӗрешекен активистсене палăртасси. Икӗуйăхлăх икӗ тапхăрпа иртет: районти (апрелӗн 1-мӗшӗнчен пуçласа майăн 13-мӗшӗччен) тата республикăри (майăн 14-мӗшӗнчен пуçласа майăн 31-мӗшӗччен).

Министерство ирттерекен конкурс пӗтӗмлетӗвӗсемпе «Чи лайăх ача сачӗ», «Чи лайăх шкул», «Чи лайăх çемье», «Чи лайăх эко-картиш», «Чи лайăх предприяти», «Чи лайăх муниципаллă йӗркеленӳ» номинацисемпе çӗнтерӳçӗсене палăртаççӗ. Республикăри «Экоçуркунне-2022» акцин çӗнтерӳçисем дипломсемпе хаклă парнесем илме тивӗçӗç.