Тӑван чӗлхесен ҫулталӑкӗ халӑхсен туслӑхне те ҫирӗплетӗ

2021 ҫул Тутарстанра Тӑван чӗлхесен тата халӑх пӗрлӗхӗн ҫулталӑкӗ пулать. Ҫакӑн ҫинчен паян республика Президенчӗ Рустам Минниханов Патшалӑх Канашӗ умне ҫулталӑк Посланийӗпе тухнӑ вӑхӑтра каланӑ.
Вӑл палӑртнӑ тӑрӑх, республикӑра пурӑнакан мӗн пур наци – вырӑссем, чӑвашсем, удмуртсем, мордвасем, марисем тата ыттисем – валли культурӑсемпе чӗлхесене аталантарма условисем туса памалла.
"Республикӑри халӑхсен пӗрлӗхне пысӑка хурса хакланӑ май, ҫитес ҫула Тутарстанра Тӑван чӗлхесен тата халӑхсен туслӑхӗн ҫулталӑкӗ пек ирттерме сӗнетӗп", – тенӗ Президент.