Халăх календарӗ

◊ Çӗртме уйăхӗн 6-мӗшӗ – Си­­меон. Çумăр çусан кăмпа ăнса пулать. Шăлан (шиповник) çак кун яланхинчен ытларах шăршă сарать-тӗк – çумăр кӗт. 

◊ Çӗртме уйăхӗн 7-мӗшӗ – Иван. Çак кунтан пахчаçăсем ӳсекен пахча çимӗçсене каçсерен лайăх хуплама тăрăшаççӗ – ӳсен-тăрана сиенлетекен çăнăхлă сывлăм ӳкме пуçлать. 

◊ Çӗртме уйăхӗн 8-мӗшӗ – Карп. Вăрăмтунасем питӗ йышлă пулсан июнь вӗçӗ ăшă, анчах çумăрлă пулать. 

◊ Çӗртме уйăхӗн 9-мӗшӗ – Федор. Хӗвел тухнă чухнех питӗ пăчă – çывăх вăхăтра çумăр çăвать. Çак кун хирӗçме, урай шăлма юрамасть тет. 

◊ Çӗртме  уйăхӗн 10-мӗшӗ – 

Никита. Ку кун лăпкă-тăк – кӗркунне тулăх тухăç пухса илме хатӗрлен. 

◊ Çӗртме уйăхӗн 11-мӗшӗ – Феодосия. Ыраш лайăх ӳсет пулсан кăмпа та ăнать.