ХĂНАЛАС ЙĂЛА-ЙӖРКЕНЕ ТЕ ПӖЛМЕЛЛЕ

Нарăсăн 9-мӗшӗнче П.Дементьев музейӗнче Тутарстанри Наци культурисемпе йăлисен çулталăкне халалласа «Халăхсене хăналас йăла-йӗрке» музей урокӗ иртрӗ.

Хăнана çӳресси – çăмăл ӗç мар, чăн-чăн ăслăлăх та иккен. Чăваш тата вырăс халăхӗсен тараватлăх йăлисем тӗнчекурăма уçаççӗ.

Ачасем хаваспах хутшăнчӗç урок юхăмне – хăнасене çăкăр-тăварпа кӗтсе илчӗç. Кил хуçи занятире хăнасене мӗнле   кӗтсе  илмелли  çинчен – кил-çурта хăнасем мӗн илсе килни, хуçисем мӗнпе хăналани, мӗнле ăсатса яни – каласа пачӗ. Çаплах урока хутшăнакансем чей ӗçмелли вăрттăнлăхпа, хăнара хăвна мӗнле тытмалли, тӗрлӗ лару-тăрура усă курмалли правилăсемпе паллашрӗç.

Мероприятире ытти халăхсен хăналас йăли-йӗркипе элект­ронлă хăтлав пăхса кăсăкланчӗç. Унтан пурте сӗтел хушшине сăмавар тавра вырнаçса ларса шушкăпа сăйланса техӗмлӗ чей ӗçрӗç.