Тутарстан Республикин Строительствăпа архитектурăн патшалăх экспертизипе хаксен управленийӗ Аксу районӗнчи Хӗрлӗшур ялӗнче шыв кӗртмелли проекта ырланă. Проект докуменчӗсене техника регламенчӗсемпе строительство нормисене тивӗçтеренине августăн 12-мӗшӗнче çирӗплетнӗ.
Хусанти ООО «ПрофПроект» хатӗрленӗ проекта Аксу районӗн Ӗç тăвакан комитечӗ пурнăçа кӗртет. Техника надзорне «Современные энергосберегающие технологии и инженерные коммуникации» патшалăх бюджет учережденийӗ пурнăçлать. Ял халăхне таса ӗçмелли шывпа тивӗçтермелли программа шайӗнче çывăх вăхăтра Хӗрлӗшурти килсене шыв кӗрӗ.
Патшалăх экспертизин пӗтӗмлетӗвӗ – ӗçсене тума ирӗк паракан тӗп документ. Вăл пурри проект докуменчӗсем нумай тапхăрлă тӗрӗслев иртнине кăтартса парать: конструкцисен çирӗплӗхне шутлассинчен пуçласа смета хакне палăртасси таранах. Халӗ çынсем кранран шыв юхасса çеç кӗтмелле.
Нет комментариев