Хусанта «Валдай» дискусси клубӗ иртет

Хусанти Наци библиотекинче «Религи нумай саслăхӗ тата наци пӗрлӗхӗ» ятлă конференцие республикăри конфессисен, наципе культура пӗрлешӗвӗсен представителӗсене йыхăрнă. Президиумра  ТР Президенчӗн Аппарачӗн ертӳçи Асгат Сафаров, ТР Патшалăх Канашçи Минтимер Шаймиев, республика муфтийӗ Камиль хазрат, Тутарстан митрополичӗ Кирилл тата ытти хисеплӗ хăнасем ларчӗç. Пухăннисене ТР Президенчӗ Рустам Миннихановăн видеосаламне кăтартрӗç. 

Хусанти дискуссин тӗп тӗллевӗ – нумай нациллӗ тата нумай конфессиилӗ обществăсен тӗреклӗхӗн вăрттăнлăхӗсене сӳтсе явасси. Çак çирӗплӗх геополитика тăнăçсăрлăхӗн вăхтӗнче халăхсем хушшинчи хутшăнусене лайăхлатассинче мӗнлерех пулăшма пултарнине тӗпчерӗç дискусси спикерӗсемпе пӗрле унта хутшăнакансем.

Конференцире Раççей, Египет, Иран, Малайзи, Араб Эсирачӗсем, Серби, Пакистан, Таджикистан эксперчӗсем хутшăнасси çинчен пӗлтереççӗ ăна йӗркелекенсем.