News by date 7 July 2022
-
Çӗнтерӳ пирӗн енче пулать!
Паян Хусана Украинăри ятарлă операцине хутшăнакан росгвардеецсен черетлӗ ушкăнӗ таврăннă. Салтаксене частьре тăванӗсем, пуçлăхсем тата ветерансемпе çамрăксен организацийӗсен активисчӗсем кӗтсе илнӗ. Мероприятие ТР Президенчӗ Рустам Минниханов та хутшăннă.
-
Элкел районӗн пуçлăхӗн амăшӗ чăваш
Элкелсене çăмăл мар Уява ирттерме. Ку тăрăхра чăвашсем кăна мар, ытти наци çыннисем те йышлăн пурăнмаççӗ.
-
Петӗр Хусанкай çуралса ӳснӗ çуртăн вырăнне асăну хăми вырнаçтарчӗç
Паян элкелсем çинче пысăк яваплăх: Уява чыслă та илемлӗн ирттерсе ямалла. Хăнасене йышăнакан ял чечек ăшӗнче
-
Ыран Çемье кунӗ. Йӗркеллӗ, çирӗп те телейлӗ çемьесем мӗн чухлӗ нумайрах, çавăн чухлӗ çӗршыв та тӗреклӗрех.
Ыран майăн 8-мӗшӗнче Раççейре Çемье, юратупа шанчăклăх кунне уявлаççӗ. Хусанта çак уява йăлана кӗнӗ тăрăх Çветтуй асапçă, Хусан митрополичӗ Кирилл ячӗллӗ чиркӳ умӗнче туса лартнă Петрпа Феврония палăкӗ умӗнче иртереççӗ. Палăка туса лартма хăй вăхăтӗнче Вырăссен наципе культура пӗрлешӗвӗ ыйтнă, ТР Президенчӗ Рустам Минниханов килӗшсе тӗрев панă. Çемье- чăннипех çӗршыв тӗрекӗ. Йӗркеллӗ, çирӗп те телейлӗ çемьесем мӗн чухлӗ нумайрах, çавăн чухлӗ çӗршыв та тӗреклӗрех. Çемьере ачасене тăван çӗршыва юратма, хисеплеме, çынпа ырă та кăмăллă пулма вӗрентни мӗн тери кирлӗ пулнине паян уйрăмах лайăх куратпăр.
-
ӖМӖР КӖСКЕ, АТĂЛ ӖМӖРЛӖХЕ
Николай Михайлович пурăннă пулсан кăçал июлӗн 8-мӗшӗнче 81 çул тултармаллаччӗ. Шел, пӗлтӗр хăйӗн 80 çулхи юбилейӗччен 3 кун пурăнса çитеймерӗ вăл. Июлӗн 5-мӗшӗнче тăван ял-йыш Теччӗ районӗнчи Аслă Ăнă ялӗн Культура çуртӗнче çывăх çыннисемпе, Тутарстанри, Ульяновск облаçӗнчи çыравçăсемпе, Теччӗ тата Пăва ЧНКЦ хастарӗсемпе пӗрле асăну каçне ирттерчӗ.
-
Иван Казанков: «Совет влаçӗ пӗтнӗ çӗре эпӗ социализмпа туптанса çитнӗ 50-ри çынччӗ, ун чухне те халăхран уйрăлмарăм».
Совет влаçӗ пӗтнӗ çӗре эпӗ социализмпа туптанса çитнӗ 50-ри çынччӗ, ун чухне те халăхран уйрăлмарăм. Ку япала чăвашсен те пур – мăнкăмăлланса халăхран хăпма юрамасть, килӗшӳллӗ мар ку. Вӗсемпе пӗр шайра пулмалла. Эпӗ ахаль çын, çапла юлатăп та пуринпе те.
-
Çӗпрел пенсионерӗсем Марий Эла экскурсине кайса килнӗ
Июль пуçламăшӗнче Çӗпрел районӗн ялӗсенчи ветерансен канашӗсен председателӗсем пуçтарăнса Марий Элăн тӗп хулине кайса килчӗç. Нумайăшӗ ку тăрăхсенче пулса курман, çавăнпа та Çӗнӗ Шупашкарти ГЭСа пӗрремӗш хут куракансем те пулнă ветерансен хушшинче.