Анастасия Данилова: «Эпӗ аслă ăрури çынсен ăс-хакăлне мала хуратăп»
Анастасия Данилова çамрăк çыравçă Чăваш Енри Красноармейски районӗнчи Трак салинче çуралнă. Хальхи вăхăтра И.Н.Ульянов ячӗллӗ Чăваш патшалăх университетӗнче юридици факультетӗнче вӗренет, çавăнпа пӗрлех университетăн ӳнер студине çӳрет, хăй ӳкернӗ картинăсен куравӗсене йӗркелет. Тӗрлӗ конференцие, ăмăртăва хутшăнса малти вырăнсене йышăннă. Малтанхи хайлавӗсем «Тантăш» хаçатра, «Тăван Атăл» журналта пичетленнӗ, калавсемпе пьесăсем çырать. «Çӗнӗ хум» конкурсра та палăрнă. Унăн хайлавӗ «Пирӗшти патне янă çыру» коллективлă сборника кӗнӗ.
