КӲРШӖ РАЙОНСЕНЧЕН ТЕ ХУТШĂНАÇÇӖ
Виталий Тимирясов профессора халалланă турнир кăçал 8-мӗш хут иртрӗ
Иртнӗ эрнекун шашка-шахмат вăййине кăмăллакансем Аксури В.Г.Тимирясов ячӗллӗ 1№ шкула пуçтарăнчӗç. Виталий Тимирясов профессора халалланă турнир кăçал 8-мӗш хут иртрӗ. Шкул 120 ытла вăйăçа йышăнчӗ. Турнира пуçарса яраканӗ, çулсерен йӗркелекенӗ Виталий Гайнулловичăн ӗçне малалла тытса пыраканӗ, хӗрӗ, Хусанти инноваци университечӗн ректорӗ Асия Витальевна Тимирясова. Судьясем турăн çӗнтерӳçисене палăртнă вăхăтра эпир Асия Витальевнăпа тӗл пултăмăр.
