Нумай çул пулманшăн каçару ыйтрăмăр
Пирӗн асатте Иван Никифорович Герасимов 1942 çулхи январӗн 2-мӗшӗнче хӳтӗлев чиккине тунă чух чирлесе вилнине, ăна Теччӗ районӗнчи Аслă Турма ял масарӗнче пытарнине мӗн пӗчӗкрен пӗлнӗ эпӗ (асаннепе атте каласа панă). Атте çамрăк чух ун вилтăпри çине кайса хăй ăсталанă (сварщикчӗ вăл пирӗн) картапа палăк та лартнă. Пире те унта илсе каясла калаçатчӗ, анчах... кун хыççăн кун иртрӗ, кулленхи ӗçсене пула ниепле те каяймарăмăр. Теччӗ районӗ пиртен çав териех инçе пулмасан та.
