Ман валли тухакан хаçат!
Хаклă тăванăмăрсем! Йышăнса илсемӗр Ара шывӗ тусӗн ăшă саламне! Тӳрех калатăп: эпӗ сирӗншӗн çӗнӗ çын. Иккӗмӗш çул çеç вулатăп çак хаçата. Апла пулин те, вăл маншăн тăван хаçат пулса тăнăшăн шутсăр савăнатăп. Çавна пулах, вулакан йышӗнче çеç мар, çыракансен шутне те кӗрес килнипе лартăм çыру сӗтелӗ хушшине. Кун пек чухне çакна каласа хăварни кирлех пуль.
