Мексикăпа Португали Тутарстанра вăй виçӗç

Конфедераци Кубокӗ шайӗнче иртекен пӗрремӗш вăйă паян Хусанти «Казань-Аренăра» иртет. Вăл 18.00 пуçланать. Футбол юртакансем паян кунӗпе Тутарстанăн тӗп хулине килеççӗ. Матч пуçланиччен 4 сехет маларах стадион тавра хулара «Таса миля» режим пуçланать. «Казань-Арена» патне илсе каякан çулсене хупаççӗ. Кун çинчен шалти ӗçсен министерствин ӗçченӗсем маларах пӗлтернӗччӗ. Куракансен е çуран, е ятарлă автобуссемпе - шатлсемпе çеç çитме май пулӗ.
Аса илтеретпӗр, ӗнер Раççей команди Çӗнӗ Зеландипе выляса 2:0 шутпа çӗнтерчӗ. Мечӗк кӗртекенсем Денис Глушаков тата Федор Смолов пулчӗç.