"Сувар" хаçат кубокĕшĕн Пăва районĕнчи чăваш ачисем кĕрешĕç

Пăва районӗнчи Рункă ялӗнчи çӗнӗ спорт площадкинче 2002-2006 çулхи ачасен командисем хушшинче «Сувар» хаçат кубокӗшӗн мини-футбол турнирӗ иртет. Ăна июлӗн 23-мӗшӗнче Пăва районӗнчи чăваш наципе культура центрӗ «Сувар» хаçатăн Попечителӗсен канашӗпе пӗрле йӗркелеççӗ. Хутăш системăпа иртекен турнира 10-14 çулти 8 футболистран тăракан команда хутшăнаять. Вӗсен 7 минутлă икӗ тайм вылямалла пулать. Йӗркелекенсем районти чăваш ялӗсенчи спорта юраткансенчен, физкультура вӗрентекенӗсенчен Rung.Bui@tatar.ru адреспа заявкăсем кӗтеççӗ. Ăмăртăвăн Положенийӗпе suvar.su сайтра паллашма пулать.