Аслă Аксура паян çурт çуннă...

Паян, августăн 6-мӗшӗнче, ирхине 04 сехет те 12 минутра Çӗпрел районӗнчи Аслă Аксу ялӗнчи Пролетарская урамӗнчи Шакин хуçалăхӗ тӗпӗ-йӗрӗпе çунса кайнине хыпарлать район хаçачӗн сайчӗ. Пушар хуралӗн ӗçченӗсене вырăнти ял хутлăхӗн пуçлăхӗ Алексей Храмов кӗтсе илнӗ чух кил хуçи çуртрах юлма пултарни пирки пӗлтернӗ. Шел те, каярах ку чăнах та çапла пулни палăрнă. Çăлавçăсем çуртра çуннă çын виллине тупнă.

Инкекӗн пирвайхи сăлтавӗсенчен пӗри – тирпейсӗр пирус туртни. (Сăнӳкерчӗк район хаçатӗн сайтӗнчен).