Хаçат-журналсем интернет-аудиторишӗн тупăшаççӗ
Депутатсем çӗршыври университетсене пулăшас тӗллевпе йышăннă «Приоритет – 2030» чи сулмаклă патшалăх программи Хусан университетӗнче (К(П)ФУ) мӗнле пурнăçланнине сӳтсе явнă. ТР Правительствипе ТР Патшалăх Канашӗ тытса пыракан «Ватаным Татарстан» тата «Республика Татарстан» хаçатсен ӗçне пăхса тухнă. Çаплах вӗрентӳ çинчен калакан республика законне улшăнусем кӗртме хатӗрлекен закон проекчӗсене сӳтсе явнă. Ларăва ТР Раисӗн Патшалăх Канашӗнчи Полномочиллӗ представителӗ Тимур Нагуманов хутшăннă. Ăна Вӗрентӳ, культура, наука тата наци ыйтăвӗсен комитечӗн председателӗ Айрат Зарипов ертсе пынă.
