Сувар

Аксуран хӗллехи кучченеç

(Константин Малышев. Автор сăнӳкерчӗкӗсем). Аксу районӗнче пӗчӗк бизнес хальхи вăхăтра промышленность масштабӗсене çитиех çӗкленеймен пулсан та, унăн аталанăвӗ пысăк темп илни сисӗнет. Ялсенчи çынсеме выльăх-чӗрлӗх ӗрчетсе тырпул çитӗнтерессипе çеç аппаланмаççӗ, ял хуçалăхӗн ытти енӗсене те аталантараççӗ. Тӗслӗхрен, Кивӗ Мăкшел ялӗнче кăмпа ӳстереççӗ. Вешенка. Ял çыннисене ӗçпе тивӗçтерме пулăшас тесе ку...

(Константин Малышев. Автор сăнӳкерчӗкӗсем). Аксу районӗнче пӗчӗк бизнес хальхи вăхăтра промышленность масштабӗсене çитиех çӗкленеймен пулсан та, унăн аталанăвӗ пысăк темп илни сисӗнет. Ялсенчи çынсеме выльăх-чӗрлӗх ӗрчетсе тырпул çитӗнтерессипе çеç аппаланмаççӗ, ял хуçалăхӗн ытти енӗсене те аталантараççӗ. Тӗслӗхрен, Кивӗ Мăкшел ялӗнче кăмпа ӳстереççӗ. Вешенка. Ял çыннисене ӗçпе тивӗçтерме пулăшас тесе ку ӗçе Анатолий Самаренкин йӗркелесе янă.

Лайăх ӳсет

Малтан колхозăн юхăннă гаражне саплакаласа кăна тытăнса пăхас тенӗ. Те каять-ха? Теветкеллӗ вӗт. Çимӗç лайăх ӳсе пуçласан вара пуçланă тӗрлӗрен экспериментсем ирттерме. Лаптăка темиçе пая пайласа вӗсенче тӗрлӗрен сортлă вешенка ӳстерме тытăннă кивмăкшелсем.

Нӳр пулсан

Вешенка кăмпи (словарьте унăн чăвашла ячӗ, темшӗн, çук) опилка тултарнă хутаç çинче те, хӗвелçаврăнăш хуппи çинче те, пӗлтӗрхи улăм çинче те лайăх ӳсет. Шыв сапса тăрсан, паллах. Нӳр сахал та, ытлашши те пулмалла мар, çителӗклӗ пулмалла. Çакна куç тӗлӗнче вырнаçтарнă датчиксем кăтартса тăраççӗ. Тата, паллах, температурăна. Ăшă 14-ран 17 градуса çити пулни - çак кăмпана ӳсме чух кăна шутланать.

Тасалăхра

Улăмран, пăчкă кӗрпинчен е жмыхран тунă кăмпа «çӗрне» 8-10 килограмлă хутаçсене тултараççӗ те спорăсемпе авăрлаççӗ. Вара вăл кирлӗ температурăра тата нӳрлӗхре икӗ эрне ӗлкӗрет. Унтан тин кăмписем шăтма тытăнаççӗ.

Цехсенче тап-таса пулмалла, кафель сарнă урайне тăтăшах çуса, стенасене тасатса тăраççӗ. Процеса пăнтăхса кайма памаççӗ. Кӗнӗ çӗрте те хăнасене халат, бахил тăхăнтартаççӗ. Дезинфекци ирттереççӗ. Вешенка çумӗнче ют бактерисем пулмалла мар.

Тухăç

Пӗр хутаçран сезонра 3-3,5 килограмм кăмпа касса илеççӗ. Анчах та мӗншӗн-ха ăна ӳстернӗ çӗрте тӗрлӗ «тăпрапа» усă кураççӗ? Çакă кăмпа тути çине витӗм кӳрет иккен.

- Улăм çинче ӳснисем вăрманти вешенкăна аса илтереççӗ, - тет кунта ӗçлекен Татьяна Жукова. Вăл технологи процесне сăнаса тăраканни. - Килте ӳстерме йывăртарах, вӗсене шав сăнаса тăмалла. Нӳрне тата температурине тимлемелле.

Сутăнать

Вешенка йышпа, купаланса ӳсет. Пӗр çупкăмӗ 300-500 грамм таять. Вăтамран кунне 100 килограмм кăмпа пуçтараççӗ. Хăш чух кунне 300-шер килограмм та тухăç илеççӗ Кивӗ Мăкшел цехӗнче. Çын нумаях мар, виçӗ хӗрарăм та икӗ арçын ӗçлет унта. Çулла та, хӗлле те, март уйăхӗнчи 30 градус сивӗре те тутлă çимӗçе туянма пулать кунта килсен. Вӗсен продукцийӗ Хусанти Агропаркра, Аксу пасарӗнче те пур. Сутайманнине электросушилкăпа типӗтеççӗ. Каснă хыççăн кăмпа çупкăмӗсене хур тӗкне татнă пек татса уйăраççӗ те шăвăç противеньсем çине сарса тухаççӗ. Кăмакара вăл ирхинеччен типет. 10 килограмм чӗрӗ кăмпаран 1 килограмм типпи тухать. Ăна та сутаççӗ. Тата типӗтнӗ вешенкăран кăмпа çăнăхӗ авăртаççӗ. Ку çăнăха Хусанти çу комбиначӗ соуссем тума илет.

Усăлăх

Мӗншӗн-ха вешенка, урăх кăмпа мар? Теплицăсенче ӳсекеннисенчен çак кăмпа чи усăлли шутланать. Унра А,В,С кăна мар, çан-çурăма кирлӗ D2 витамин пур. Çак витамин шăмă çирӗплӗхӗшӗн усăллă. Диетăра ларакансем те вешекнăна çӳхелме пулăшать теççӗ. Тӗрӗслемелле пулать.

Урăх кăмпа çинчен те шутламаççӗ мар фермерсем. Кивӗ Мăкшел ялӗнче пӗр тӗслӗ кăмпа производстви çинче кăна чарăнса тăрасшăн мар. Ассортимента сарас тӗллевпе кивӗ цех çумӗнче малтанхинчен виçӗ хут пысăкрах сэндвич-панельсенчен пысăк ангар туса лартнă. Унта тепӗр тӗрлӗ вăрман кучченеçӗ ӳсӗ.

Нравится
Поделиться:
Реклама
Комментарии (0)
  • 24 мая 2018 - 16:19
    Кивӗ Мăкшел вырсарникун уяв ирттерет Кивӗ Мăкшелӗнче вырсарникун уяв.
    29
    0
    0
  • 24 мая 2018 - 15:39
    Айтăр Сиктӗрмене Акатуя! Программăра: ӗçре мала тухнисене чысласси, концерт, вăйăсем, лашасен ăмăртăвӗ.
    39
    0
    0
  • 24 мая 2018 - 15:28
    Шкулсенче юлашки шăнкăрав Майăн 24-мӗшӗнче çӗршыври вун пӗрмӗш классемшӗн юлашки шăнкăрав янăрарӗ, пӗр вăхăтрах савăнăçлă та тунсăхлă уяв.
    22
    0
    0
  • 24 мая 2018 - 14:19
    «Ылтăн пиçиххи» кăçал камăн? Хӗвел тухăç кӗрешӗвӗнче çитӗнӳ туса республика имиджне çӗклекенсене майăн 26-мӗшӗнче «Ылтăн пиçиххи» наци премийӗпе чыслаççӗ.
    19
    0
    0
  • 24 мая 2018 - 12:08
    «Сувар» кубокӗшӗн турнир! Чи пултаруллă та правур команда «Сувар» хаçат кубокне тивӗçет. Турнир кăçал июнӗн 1-мӗшӗнче Пăвара пулать. Кӳршӗллӗ район командисем, ан юлăр!
    23
    0
    0
  • 24 мая 2018 - 10:27
    Урăлăх çулӗ вăл – пурнăç çулӗ Йăла тăрăх, православи чиркӗвӗсенче сентябрӗн 11-мӗшӗнче урăх эрех ӗçместӗп тесе тупа тăваççӗ. Православире урăлăх пирки тупа тумалли кун тата та пур – майăн 18-мӗшӗ. Çак кун «Турă Амăшӗн Хусан турăшӗн «Неупиваемая Чаша» турăшне асăнаççӗ.
    28
    0
    0
  • 24 мая 2018 - 09:56
    Путин пособине республикăра пинмӗш çемье илнӗ Çулталăк пуçланнăранпа Тутарстанра пӗрремӗш ачашăн парăнакан 8,5 пин тенкӗ пособие илмешкӗн 1000 çемье заявлени панă. Юбилейлă çемьене ӗнер хаваслă лару-тăрура чысларӗç.
    29
    0
    0
  • 23 мая 2018 - 16:25
    Альших, Тинкеш, Кипекасси – Рункăра хăнара Пăва чăвашӗсем те çуллахи Микуларан вăййа пуçлаççӗ. Кăçал йăлана районта чи малтан рункăсемпе кипеккассисем пуçларӗç
    49
    0
    0
  • 23 мая 2018 - 15:30
    Тимӗрçӗ пулса курас килет-и? Çитес канмалли кунсенче Хусанта пӗрремӗш хут тимӗрçӗ фестивалӗ иртет. Кăмăл пуррисем унта тимӗрçӗ пулса пăхма пултараççӗ.
    29
    0
    0
  • 23 мая 2018 - 14:06
    Çапăçать-тӗк, çулталăка поезд çинчен манать Поездра çапăçакансене «хура» списока кӗртесшӗн. Енчен те транспорт çинче хăйсене тивӗçлӗ тыма пӗлмеççӗ-тӗк, çулталăка поезд çинчен манма тивӗ.
    21
    0
    0
  • 18 мая 2018 - 13:03
    «Мунча шăрши»
  • 26 марта 2018 - 14:12
    Пирӗннисем «Кӗмӗл сасăра»
  • «Аталан» форум – 2018
  • 26 февраля 2018 - 08:41
    Салам хакӗ 600-1000 тенкӗ Мартăн 1-мӗшӗнчен саламлассинче кăшт улшăнусем пур: халӗ 600 тенкӗлӗх салама 600 паллă таранах (пробелсемпе) çырма юрать. 600-тен 1000 паллă таран салам унчченхи пекех 1000 тенкӗ. Редакци.
Ночной режим